Sunday, December 22, 2024

Tag: Provincial Government of Bukidnon

Katukuran sa perimeter fence sa Grandstand sa Malaybalay, aprobado na

Posted on by Diego M. Hidalgo

Gi-aprobahan sa 27th Sangguniang Panlalawigan ang hangyo alang sa katukuran sa perimeter fence sa Grandstand, sa Barangay Sumpong, ning dakbayan

Base sa pahibalo sa Provincial Government of Bukidnon, ang sugyot giaprobahan sa ika-55 nga nga regular session sa 27th SP niadtong Agosto 01, 2023 sa SP Session Hall sa Malaybalay.

Ang contract cost sa proyelto mikabat sa Php4,090,904.33.

Gipakisayod nga ang maong perimeter fence adunay kinatibuk-ang gitas-on nga 392.48 metros nga maglibot sa luna nga gipanag-iyahan sa probinsya.

Gibutyag usab niini nga gilantaw sa PGB nga matukuran kini og multi-storey offices sa umaabot, nga mamahimong okuparan sa mga PGB offices. (Diego M. Hidalgo)

26 ka mag-uuma, gibansay sa Malaybalay

Posted on by Diego M. Hidalgo

Gibansay sa Provincial Agriculture Office (PAgrO) ang 26 ka mag-uuma sa Farmers Field School (FFS) kabahin sa irrigated rice production

Gibansay sila sulod sa dise saes ka semana sa matag adlaw’ng Huwebes, kini base sa pahibalo sa Provincial Government of Bukidnon.

Ang pagbansay gisugdan niadtong Hunyo 29 ug matapos karong Setyembre 12, 2023.

Ang mga mag-uuma gibansay sa Barangay Kulasihan, lungsod sa Lantapan, ning probinsya.

Sa maong pagbansay, gitudloan ang mga mag-uuma kabahin sa Morphology of Rice Plant, Agro Ecological System Analysis (AESA), Trichogramma application, Natural farming Technology System (NFTS), ug uban pang teknik sa pagpananom. (Diego M. Hidalgo)

62 ka PDL ALS Learners sa Bukidnon milampos sa JHS, elementarya

Posted on by Diego M. Hidalgo

Milampos sa Junior High School ug Elementarya ang 62 ka mga Alternative Learning System (ALS) Learners nga Persons Deprived of Liberty (PDLs) sa Bukidnon PGO-Provincial Detention and Rehabilitation Center (PDRC)

Base sa pahibalo sa Provincial Government of Bukidnon, mitapos sila sa ALS Program sa

Department of Education (DepED) – Bukidnon niadtong Hulyo 26, 2023 sa PDRC, Natid-asan, Casisang, Malaybalay City.

Ang maong programa sa Pangagamhanang Probinsyal napatuman subay sa Intellectual

Scope of Rehabilitation Process sa maong pasilidad.

Tinguha niini nga mahatagan og aksyon ang kakulangon sa edukasyon sa mga PDLs samtang anaa pa sila sulod sa PDRC.

Gilantaw usab niini nga makaangkon sila og oportunidad sa panarbaho ug higayon nga

ipadayon ang pagtungha kung sila gawasnon na.

Sa 62 ka mga ALS Learners, 31 niini ang milampos sa elementarya ug

31 usab kanila ang milampos sa Junior High School. (Diego M. Hidalgo)

Proyekto sa PMNP gidawat sa Bukidnon

Posted on by cmn

Gidawat sa Probinsya sa Bukidnon, pinaagi ni Provincial Governor Rogelio Neil P. Roque, ang Philippine Multisectoral Nutrition Project (PMNP) gikan sa national agencies, diin upat ka lungsod sa probinsya ang nahimong grantees, sama sa: Cabanglasan, San Fernando, Talakag ug Kalilangan gikan nila Dr. Abdullah B. Dumama Jr. Undersecretary of Health, Field Implementation and Coordination Team-Mindanao (FICT), ug DILG-10 Dir. Wilhelm M. Suyko kauban ang uban pang sector sa gobyerno, niadtong Hulyo 21, 2023, Loizas Pavilion, Malaybalay City, Bukidnon

Ang maong proyekto muhatag sa teknikal nga suporta nga gipangunahan sa Department of Social Welfare (DSWD) ug National Nutrition Council (NNC), sa pakigtimbayayong Department of Health (DOH), Department of Agriculture (DA), Department of Interior and Local Government (DILG), National Commission on Indigenous People (NCIP), Department of Science and Technology (DOST), National Commission on Muslim Filipinos ug Provincial Government of Bukidnon, alang sa multisectoral nutrition approach aron sa paghatud sa usa ka coordinated package sa nutrition-specific ug nutrition-sensitive nga mga interbensyon sa nagkalain-laing plataporma sa LGU uban sa usa ka harmonized social behavior change ug communication strategy.

Kini nga proyekto naglangkob sa tulo ka major component nga mao ang musunod: una nagtutok sa pagpalig-on sa paghatod sa mga interbensyon nga direktang motubag sa importanteng mga problema sa nutrisyon sa mga bata nga direktang apektado sa stunting ug livelihood interventions para sa ilang mga pamilya; ikaduha sa pagsuporta sa mga LGU ug komunidad sa pag-andam sa mga plano sa aksyon sa lokal nga nutrisyon ug pag-institutionalize sa mga kabalaka sa nutrisyon sa proseso ug pagplano sa lokal nga kalamboan ug pagpahigayon og mga kalihokan sa Social Behavior and Change Communications; ug ang ikatulo mao ang paghatag sa suporta sa mga kawani aron masiguro ang paghatud sa mga target ug kalihokan sa proyekto lakip ang pagmonitor ug pag-evaluate. (LGU Bukidnon)

40 ka bata nakapahimulos sa libreng tuli sa Talakag

Posted on by Diego M. Hidalgo

Adunay 40 ka mga bata nga lalaki ang nakapahimulos sa libreng tuli nga gilusad sa Bukidnon Provincial Hospital (BPH)-Talakag niadtongc Hulyo 23, 2023 sa Talakag, Bukidnon

Gipahigayon ang libreng tuli subay sa pagsaulog sa National Infection Prevention and Control Week (IPC) 2023, sumala sa pahibalo sa Provincial Government of Bukidnon.

Ang maong kalihukan nagtangag sa tema nga “Beyond the Pandemic: HAI-lighting the importance of IPC”.

Gawas sa maong kalihukan, gihan-ay usab ang monthly meeting uban ang re-echo on IPC training and seminar, clean-up sa designated areas, lecture for sterility, ug sport activities. (Diego M. Hidalgo)

464 ka barangay sa Bukidnon, gawasnon na insurhensiya

Posted on by Omar Rashid Z. Abdullah

Gawasnon na gikan sa insurhensiya ang tanang 464 ka mga barangay sa probinsya sa Bukidnon

Base sa pahibalo sa Provincial Government of Bukidnon, gipahibalo kini ni 403rd Brigade Commander Michele B. Anayron Jr., atol sa iyang pagtambong sa ika-49 nga regular session sa 27th Sangguniang Panlalawigan (SP) niadtong Hulyo 18, 2023 sa SP Session Hall, ning dakbayan.

Giklaro nga pinaagi sa gipahigayon nga Community Support Program, na-classify isip cleared ang tanang barangays sa probinsya.

Apan aduna pay 27 niini ang targeted for recovery o gipugngan nga dili na mapabalik ang kanhi mga mass bases sa maong lugar.

Gilantaw sa 403rd nga sa katapusan ning tuig 2023 nga mapapha na ang nagpabiling armadong grupo gawas sa probinsya sa Bukidnon. (Omar Rashid Z. Abdullah)

Kadiwa ng Pangulo gilusad sa Bukidnon

Posted on by Omar Rashid Z. Abdullah

Nakighiusa ang Provincial Government of Bukidnon (PGB) sa paglusad sa KADIWA ng Pangulo 2023 sa Bukidnon

Ang PGB nipahibalo nga ang paglusad gipahigayon niadtong Hulyo 17, 2023, sa Kaamulan Park, sa dakbayan sa Malaybalay.

Gitimbayayongan kini sa Office of the President, Department of Agriculture, Department of Trade and Industry, Department of Labor and Employment, Department of Social Welfare and Development, ug uban pang ahensya sa gobyerno, ingon man sa pribadong sektor.

Ang KADIWA ng Pangulo inisyatibo ni President Ferdinand R. Marcos Jr., nga nagtinguha sa isa ka halapad nga han-ay sa barato ug taas nga kalidad nga mga produkto sa agrikultura gikan sa mga lokal nga mag-uuma.

Misalmot sa KnP 2023 ang Lantapan Vegetable Farmers MPC, Pure Gold Valencia, Bukidnon KMME Association, Patpat Madasigon Sustainable Livelihood Program Association, Igpanuyadug sa Abaga Ta Bayug Farmers Association, National Food Authority, DTI assisted MSMEs ug mga Provincial Winners sa Gawad Saka ug young farmers.

Magpadayon sa matag adlaw’ng Huwebes ang KADIWA on wheels diha sa Kaamulan park. (Omar Rashid Z. Abdullah)

Libreng opera alang sa adunay cleft lip, palate ipahigayon sa Bukidnon

Posted on by Diego M. Hidalgo

Isa ka libre nga surgical treatment alang sa mga indibidwal nga adunay cleft lip ug palate ang ipahigayon sa Bukidnon

Base sa pahibalo sa PGB, ipahigayon ang libreng opera karong Agosto 8-11, 2023.

Kini nga kalihokan isa ka inisyatibo sa Advance Craniofacial Project Philippines Inc., Bukidnon Provincial Hospital – Maramag ug Provincial Government of Bukidnon.

Tumong sa maong programa nga matabangan ang maong mga indibidwal sa pagpalambo sa ilang kalidad sa kinabuhi ug sa kinatibuk-ang kaayohan.

Ang gustong mu-avail sa maong programa giawhag sa pagbisita sa out-patient department sa ospital gikan alas 8 sa buntag hangtod alas 5 sa hapon alang sa mga kinahanglanon ug rehistrasyon. (Diego M. Hidalgo)

Top 5 sa Nursing Licensure Examination, gipasidunggan sa PGB

Posted on by Omar Rashid Z. Abdullah

Gipasidunggan sa Provincial Government of Bukidnon (PGB) ang Top 5 sa nahigayon nga May 2022 Nursing Licensure Examination (NLE) ubos sa Professional Regulations Commission (PRC)

Sumala sa pahibalo sa Provincial Government of Bukidnon, ang gipasidunggan mao si Ms. Rachel Joyce Abecia Come.

Gipasidunggan siya atol sa 27th Sangguniang Panlalawigan (SP) session.

Si Ms. Come, kinsa lumulupyo sa Barangay Maican, Damulog, Bukidnon ug nursing students sa Bukidnon State University, nakakuha ug 88.04% nga board rating.

Isa siya sa 6,616 nga nipasa gawas sa 9,729 examinees sa tibuok nasud.

Gitunol ngadto kang Come ang Congratulatory Resolution atol sa gipahigayon nga Monthly Convocation niadtong Hulyo 3, 2023 sa Kaamulan Open Theater, Malaybalaty City, Bukidnon. (Omar Rashid Z. Abdullah)