Monday, April 07, 2025

Tag: Provincial Government of Bukidnon

Pagpalambo sa ICT sa Bukidnon, gitutukan

Posted on by Diego M. Hidalgo

Gitutukan sa Provincial Government of Bukidnon (PGB), ang pagpalambo sa Information and Communications Technology (ICT) sa probinsya pinaagi sa gipahigayon nga panagtigum sa nagkalain-laing hingtungdang opisina ug ahensya

Base sa pahibalo sa Provincial Government of Bukidnon, ang maong panagtigum gipahigayon niadtong Hulyo 6-7, 2023 sa Kaamulan Open Theater ug Veranda, Malaybalay City, Bukidnon.

Gilantaw nga pinaagi sa nagkadaiyang suhestiyon, ideya, ug feedback gikan sa mga stakeholders, makamugna ug malungtarong plano ug mga polisiya aron mapausbaw ang paghatud ug serbisyo sa publiko, pinaagi sa paggamit ug mga digital technologies.

Ang gihisgutan sa maong panagtigum mao ang Bukidnon Local Government Digital Transformation Focus Group Discussion for Digitalization, Bukidnon ICT Industry and Digital Economy Consultative Meeting, A Province-Wide Consultation with 22 LGUs ug Bukidnon ICT Council Consultative Assembly. (Diego M. Hidalgo)

20 ka baka gitugyan ngadto sa FRs sa Lumintao

Posted on by Omar Rashid Z. Abdullah

Gitugyan sa Provincial Government of Bukidnon (PGB) ang 20 ka mga baka ngadto sa 36 ka mga former rebels (FRs) sa Lumintao

Base sa pahibalo sa Provincial Government of Bukidnon, gitugyan kini atol sa Turnover Ceremony sa Barangay Lumintao, Quezon, Bukidnon, niadtong Hunyo 30, 2023.

Sa mensahe ni Board Member Casinabe, kinsa mao usab ang 27th Sangguniang Panlalawigan Committee Chair on Poverty Alleviation nga tungod sa makanunayon nga pakiglambigit ug pagpangumusta ngadto sa mga opisyales sa barangay, nahimo kining tulay nga makaabot sa IP community sa Sitio Sto. Domingo sa Barangay Lumintao ug nakahimamat ang mga FRs ug masayran ang ilang panginahanglanon.

Anaa sa maong tigum ang mga veterinarian gikan sa lungsod sa Quezon ug sa probinsya sa Bukidnon aron sa pagsiguro nga himsog ug anaa sa kondisyon ang mga baka nga nauna nang gihatagan sa bitamina, purga ug ingon man nga tips unsaon maatiman pag-ayo ang baka aron mapalambo ang maong programa alang sa komunidad sa tribung Manobo. (Omar Rashid Z. Abdullah)

Unang Paragames sa Bukidnon, ipahigayon

Posted on by Omar Rashid Z. Abdullah

Masaksihan na sa dili madugay ang pinaka-una nga paragames dinhi sa Probinsya sa Bukidnon alang sa mga tawo nga adunay mga kakulangon

Base sa pahibalo sa Provincial Government of Bukidnon, ang para-games ipahigayon karong Hulyo 19-21, 2023 sa dakbayan sa Malaybalay.

Tumong niini nga makab-ot ang social change sa probinsya alang sa mga tawo nga adunay kakulangon nga mapagawas ug mapasundayag ang ilang kahanas ug kapabilidad.

Gidasig ang mga talentadong PWDs nga interesado niini sa pagpakisayud sa opisina sa disability affairs sa ilang munisipyo aron sa pagpangutana sa mga kinahanglanon aron maka apil sa maong paragames.

Pipila sa mga dula nga masaksihan mao ang flag raising, sitting volleyball, basketball wheel chair, table tennis, chess, athletics wheelchair race, javelin throw, ug shotput. (Omar Rashid Z. Abdullah)

47 former Rebels sa Bukidnon nakadawat og package assistance

Posted on by Diego M. Hidalgo

Adunay 47 former rebels nga naggikan sa Bukidnon ang nakadawat og package assistance gikan sa Department of the Interior and Local Government (DILG)

Base sa pahibalo sa Provincial Government of Bukidnon, gitugyan kini kanila ubos sa Enhanced Comprehensive Local Integration Program (E-CLIP).

Gilangkuban kini sa Immediate Assistance nga nagkantidad og P510,000.00, Livelihood Assistance nga P1,100,000.00, ug Firearms Remuneration nga P314,400.00.

Ang tibuok nga mga tabang mikabat sa P1,924,400.00.

Gitugyan kini ngadto sa former rebels niadtong Hulyo 4, 2023, sa 403rd Brigade Covered Court, Impalambong, ning dakbayan. (Diego M. Hidalgo)

Tigwahanon Tribe mipasiugda sa 1st Padiuros sa Pulangi Festival 2023

Posted on by Omar Rashid Z. Abdullah

Gipasiugdahan sa tribung Tigwahanon ang 1st Padiuros sa Pulangi Festival 2023

Dungan kini nga gilusad sa Panuluwuhig sa Sabangan sa mga suba sa Pulangui ug Tigwa, niadtong Hunyo 24, 2023.
Ang Provincial Government of Bukidnon nipahibalo nga nahigayon kini didto sa Barangay Tugop, San Fernando, Bukidnon.
Adunay pito ka mga sumasalmot ang miparehistro alang sa puno sa kulbahinam nga kalihukan nga pinaka-una kini nga pagpasiugda sa matag tuig nga selebrasyon sa pagtamud sa kulturanhong pagkinabuhi sa Sabangan.
Nahimong mananaug ang gakit nga gidumala sa Tribal, ikaduha ang Barangay Luwan-luwan; ikatulo ang Purok Leaders, ug ikaupat ang BPATS.
Gipangunahan ni Valerie Lastino Datu Imbagtu Gintumuwan ang Panuluwuhig uban sa tribal elders, bae ug datu kung aha masaksihan usab ang presensya sa kabataan sa tribu, kinsa nagtimbayayong sa matag buluhaton sa ilang katigulangan.
Ang “Panuluwuhig” gikan sa termino nga “panulu” o kahayag/iwag ug “wahig” nagpasabot nga tubig, diin ang ilang katigulangan kaniadto namolong nga ang suba sa sabangan mamahimong tinubdan sa kahayag ug tubig, sanglit kini man karon ang gikuhaan sa kuryenti ug tubig sa atong kagamhanan. (Omar Rashid Z. Abdullah)

Farmers Field School sa Lantapan, gilusad

Posted on by cmn

Gilusad sa Provincial Government of Bukidnon (PGB) ang Farmer’s Field School (FFS) sa Irrigated Lowland Rice Production (ILRP) sa Lungsod sa Lantapan

Base sa pahibalo sa PGB, gipahigayon kini sa Barangay Kulasihan sa Lantapan niadtong Hunyo 21, 2023.

Kini nga programa maghatag sa mga mag-uuma nga adunay basakan sa kinatibuk-ang ideya sa FFS modules, mahitungod sa paghatag og collaborative & experiential group learning approach.

Ingon man pagpalambo sa maayong gawi ug key checks sa rice farming aron makatabang sa pagpausbaw sa abot sa uma ug pagpakunhod sa pagkawala sa produksyon.

Gilauman sa season-long training nga adunay 30 ka partisipante nga aktibo mutapos niini. (MG Mayumi B. Madera)

Joint SPAR sa proposed project concreting sa kadalanan sa Cabanglasan, gipahigayon

Posted on by Diego M. Hidalgo

Gipahigayon sa lungsod sa Cabanglasan ang Joint Sub-Project Appraisal Review (SPAR)

Ang Provincial Government of Bukidnon (PGB) nipahibalo nga alang kini sa proposed project niini nga pagsemento sa kadalanan sa Barangay Iba-Cabuluhan-Paradise Farm to Market Road ug sa Barangay Capinon – Mauswagon – Freedom – Dalacutan Farm to Market Road.
Nipahibalo ang PGB nga napahigayon kini niadtong Hunyo 13-14, 2023.
Gipahigayon nila kini uban ang Department of Agriculture-Philippine Rural Development Project (DA-PRDP), National Project Coordination Office (NPCO) ug ang Project Support Office (PSO) sa Davao. (Diego M. Hidalgo)

Php40M projects gitunol ngadto sa Dangcagan

Posted on by Diego M. Hidalgo

Hingpit nang gitunol sa DILG-Regional Office X ug sa Provincial Government of Bukidnon (PGB) ang ₱40 million projects ubos sa Local Government Support Fund – Support to Barangay Development Program (LGSF-SBDP) alang sa lungsod sa Dangcagan

Ang PGB nipahibalo nga ang pagtunol nahigayon niadtong Hunyo 19, 2023, sa Municipal Function Hall, sa Dangcagan, Bukidnon.
Ang gitunol nga proyekto mao ang Barangay Kapalaran road upgrading sa duha ka road sections sa Purok 1A nga adunay kantidad ₱3,500,000 ug Purok 1A hangtud Purok 4 nga nagkantidad usab ug ₱11,500,000.
Gitunol kini dungan sa expansion sa ilang water system nga nagkantidad og ₱5,000,000.
Samtang sa Barangay Osmeña road upgrading sa duha ka road sections nga Secondary Highway hangtud Purok 2 nga nagkantidad og ₱10,000,000 ug Secondary Highway hangtud Purok 1 nga adunay balor ₱5,000,000 dungan usab sa expansion sa ilang water system nga ₱5,000,000.
Ang SBDP mao ang nag-unang proyekto sa National Task Force to End Local Communist Armed Conflict (NTF-ELCAC) sa tumong nga mahatud ang kalambuan pinaagi sa mga pasilidad nga gitinguha sa komunidad. (Diego M. Hidalgo)

4H Club Simultaneous Tree Growing Activity gipahigayon sa Bukidnon

Posted on by cmn

Ang Provincial Government of Bukidnon (PGB) mipahigayon sa pinaka-unang 4H Club Simultaneous Tree Growing Activity niadtong Hunyo 10, 2023

Gipahibalo sa PGB nga ang nahigayon nga aktibidad mao ang 1st batch.

Ang tree growing activity gipangunahan sa Provincial Agriculture Office (PAgrO).

Ang maong kalihukan nagtangag sa tema nga “Build Today, Plant for Tomorrow”.

Nagtinguha kini nga malikayan ang grabeng epekto sa climate change.

Napulo ka mga lungsod ang mi-partisipar sa maong kalihukan nga mao ang lungsod sa Talakag, Manolo Fortich , Sumilao, Malitbog, Impasugong, San Fernando, Cabanglasan, Maramag, Kalilangan ug Kadingilan.

Kinatibuk-ang 528 ka mga seedlings ang natanum sa mga luna nga adunay dakong kakulangon sa tinanom nga kahoy.

Ang mga seedlings naglangkub sa pink trumpets, narra, lawaan, pine trees ug fruit trees.

Gilauman nga ipahigayon ang 2nd batch karong umaabot Hunyo 21, 2023 alang sa mga mga lungsod ug syudad nga wala makapartisipar, (MG Mayumi B. Madera)

PGB milantaw sa pagpakusog sa implementasyon sa RPRH Law

Posted on by Diego M. Hidalgo

Gitutukan sa Provincial Government of Bukidnon (PGB), ang pagpakusog sa implementasyon sa Responsible Parenthood and Reproductive Health (RPRH) Law

Ang PGB nipahibalo nga gitutukan nila ang pagpasilitar sa POPCOM Region 10 pinaagi sa gi-establisar nga Provincial Implementing Team (PIT).

Sa gipahigayon nga 2nd Quarterly Meeting sa PIT for RPRH Law niadtong Hunyo 9, 2023, nauyonan sa grupo nga magmugna og PIT Monitoring Team.

Ang maong monitoring team gitahasan sa pag-monitor sa mga programa ug kalihukan sa matag lungsod ug syudad alang sa maong balaod, ilabi na paghatag og reproductive health care services. (Diego M. Hidalgo)