Saturday, January 18, 2025

Tag: RA

Kalabera sa tawo napalgan sa Kadingilan

Posted on by Diego M. Hidalgo

Nadeskubri ang kalabera sa Sitio Tipokol, Brgy. Cabadiangan, Kadingilan, Bukidnon udto sa Enero 15, 2025

Ang Kadingilan Municipal Police Station gipahibalo sa Kadingilan Municipal Disaster Risk Reduction and Management Office (MDRRMO) kabahin sa nadeskubri.


Sumala sa report sa kapolisan, ang pelvic ug mga bukog sa paa na lang ang nakuha, lakip ang short pants nga gituohang gisuot sa biktima.


Ang asawa sa biktima, sa pagtan-aw sa sapot, gilayon nga gikumpirma nga ang shorts iya sa iyang bana.
Ang biktima naila sa ulahi nga 39-anyos ug residente sa Sitio Tipokol, Brgy. Cabadiangan.


Sa pasiunang imbestigasyon, nasayran nga posibleng nahulog gikan sa pangpang ang biktima, kinsa gidudahang lango sa ilimnong makahubog atol sa hitabo.


Wala’y nakit-an nga timailhan sa foul play, ug ang insidente determinadong isa ka aksidente nga nahitabo sa biktima. (Diego M. Hidalgo)

No. 1 Bukidnon PNP-PDEA watch-listed drug suspect nakorner sa buy-bust

Posted on by Omar Rashid Z. Abdullah

Nakorner sa hiniusang puwersa sa kapolisan ug PDEA ang usa ka high-value individual (HVI), kinsa No. 1 sa watchlist sa PNP-PDEA sa Bukidnon ug Top 7 usab sa Regional level

Ang lalaking nasikop, usa ka 35-anyos, may kapuyo, ug residente sa Purok 6, Barangay Casisang, Malaybalay City, Bukidnon.
Nasignit siya sa Purok 5, Brgy. 9, Malaybalay City, Bukidnon hapon sa Enero 11, 2025.
Nakuha gikan sa iyang posisyon ang gidudahang shabu nga nagkantidad og P272,000.00 ug P500.00 nga bill isip buy-bust money.
Kasong paglapas sa RA 9165 ang giandam batok sa suspek.
Gidala sa Provincial Forensic Unit ang mga nakumpiskang droga alang sa qualitative ug quantitative examinations.
Ang suspek nakorner sa hiniusang puwersa sa Malaybalay CPS, Bukidnon PIU, ug Bukidnon PDEA 10. (Omar Rashid Z. Abdullah)

Babaye gipusil sa Maramag

Posted on by Diego M. Hidalgo

Dideklarang patay na sa wala pa makaabot sa Bukidnon Provincial Hospital (BPH) Maramag ang 46-anyos nga babaye human gipusil sa Purok 8, Brgy. San Miguel, Maramag, Bukidnon hapon sa Enero 10, 2025

Ang babayeng biktima usa ka minyo, mag-uuma, ug residente sa Purok 4, Brgy. San Carlos, Maramag, Bukidnon.


Sumala sa kasayoran sa kapolisan sa Maramag, ang biktima sakay sa multicab pickup-type nga gimaneho sa usa ka lalaki ug uban sa laing babaye.


Ang sakyanan nagdagan gikan sa BUSCO, Quezon, Bukidnon padulong sa Purok 4, Brgy. San Carlos, Maramag, Bukidnon.


Sa ilang pag-abot sa dapit sa nahitaboan, giingong gipusil ang biktima sa duha ka wala mailhing lalaki nga suspek.


Ang biktima nakaangkon og grabing samad tungod sa pinusil sa likod ug gidala kini sa ospital apan patay na sa wala pa makaabot.


Ang mga suspek giingong niikyas human sa krimen sa wala masayri nga direksyon.


Narekober sa lugar sa nahitaboan ang duha ka fired cartridge cases sa kalibre .45 ug sulod sa sakyanan nakaplagan usab ang duha ka bala nga wa pa matinong kalibre.


Ang Maramag MPS nagpadayon sa imbestigasyon aron mailhan ang mga suspek ug masuta ang motibo sa maong insidente. (Diego M. Hidalgo)

Ordinansa alang sa mga gabaligya og uniporme, insignias sa PNP ug AFP giaprobahan

Posted on by Melchor Madera

Niadtong Enero 8, 2025, gipirmahan ni Mayor Jay Warren R. Pabillaran ang Ordinance No. 1048, Series of 2024

Ang ordinansa nagamando sa tanang establisamiyento nga nalambigit sa paghimo, pagbaligya, ug pag-apod-apod sa uniporme, insignia, ug uban pang mga kagamitan sa Philippine National Police (PNP) ug Armed Forces of the Philippines (AFP), nga magkuha og Certificate of Conformity o Certificate of Manufacturer/Distributor gikan sa PNP ug AFP.


Kini unang giduso ni Konsehal Royland M. Orquia niadtong Abril 23, 2024.


Sumala sa kasayoran sa city government, nakalusot kini sa konseho atol sa 120th Regular Session niadtong Disyembre 2, 2024.


Tinguha sa lakang nga malikayan ang ilegal nga paggamit ug pagbaligya sa mga uniporme ug kagamitan nga posibleng magamit sa dautang mga elemento alang sa pagbuhat og krimen. (melbmadera)

Rice Subsidy gidawat sa SCAA sa Malaybalay

Posted on by Melchor Madera

Ang mga membro sa SCAA o Special Civilian Armed Forces Geographical Unit (CAFGU) Active Auxiliary nga anaa sa pito ka Patrol Bases sa dakbayan sa Malaybalay, nakadawat sa ilang monthly rice subsidy

Sumala sa kasayoran gikan sa city government sa Malaybalay, ang espesyal nga rice subsidy program gipasiugdahan sa lokal nga pangagamhanan ubos sa pagdumala ni Mayor Jay Warren Pabillaran.


Ang pundo para sa inisyatibo, nga ubos sa Special Project Appropriation, nagsugod niadtong miaging tuig ug magpadayon hangtod sa katapusang bulan ning kasamtangang tuig.


Ang Patrol Bases sa SCAA nahimutang sa Barangay Dalwangan, Manalog, Kibalabag, Apo Macote, Silae, Indalasa, ug St. Peter.


Niadtong 2009, ang kagamhanan sa dakbayan nag-organisa sa SCAA. (melbmadera)

Reward gitanyag sa makatudlo sa lain pang responsable sa paglugos-patay sa 5-anyos nga batang babaye sa Valencia

Posted on by Melchor Madera

Ang Bukidnon Police Provincial Office (BPPO) nagtanyag og P50,000.00 nga reward sa makatudlo sa lain pang person-of-interest sa paglugos-patay sa 5-anyos nga batang babaye sa Valencia City

Ang kasayoran gipaskil sa Facebook page sa Valencia City Police Station (VCPS).


Ang patay’ng lawas sa biktima nakaplagan sa katubhan likod sa Robinson Place Valencia nga nahimutang sa Purok 17, Barangay Bagontaas, Valencia City, Bukidnon niadtong Enero 11, 2025.


Isa ka 30-anyos nga person-of-interest sa kaso, si Marlon Pantonial, taga Barangay Banlag, Valencia City, ang nasikop sa kapolisan.


Gikatahong nangilog kini og armas sa pulis sa Valencia ug nagpusil sa liog sulod sa VCPS.


Ang suspek dali nga gidala sa Polymedic Hospital apan gideklara kining dead on arrival sa doktor nga niatiman kaniya.


Taliwala niini, ang pamunoan sa kapolisan nagtuo nga dili nag-inusara ang namatay nga suspek sa krimen, hinungdan gitanyag ang cash reward.


Kung kinsa man ang adunay kasayuran o impormasyon, mamahimong magtext o mutawag sa VCPS sa ilang Hotline #s: 09171180210 / 09177189191. (melbmadera)

Northern Mindanao Inflation Drops to 2.6% in December 2024

Posted on by cmn

CAGAYAN DE ORO CITY – The Philippine Statistics Authority (PSA)-10 reported that the headline inflation rate in Northern Mindanao for December 2024 was 2.6 percent, down from 4.8 percent in December 2023 and 2.7 percent in November 2024

PSA-10 Regional Director Janith Aves attributed the slowdown mainly to lower inflation in food and non-alcoholic beverages, which dropped to 1.8 percent in December from 2.9 percent in November.

Key food categories, including cereals, meat, and dairy, showed slower price increases in December. Cereal inflation fell from 6.0 percent in November to 2.2 percent, while meat inflation dropped from 2.1 percent to 1.3 percent.

Alcoholic beverages and tobacco also contributed to the decline, with inflation dropping to 7.7 percent in December from 8.2 percent in November. Meanwhile, cigarettes and spirits experienced slower price increases.

Health-related services also recorded a minor inflation reduction, from 5.7 percent in November to 5.6 percent in December, due to slower price hikes in inpatient services, medicines, and diagnostic products.

“The key contributors to the overall inflation in Health were inpatient curative and rehabilitative services, with an inflation rate of 12.5 percent in December 2024, slower than the 12.9 percent in November 2024. Medicines, vaccines, and other pharmaceutical preparations recorded an inflation rate of 3.2 percent, a decrease from 3.3 percent in November 2024. Medical diagnostic products had an inflation rate of 5.3 percent in December 2024, compared to 6.1 percent in the previous month,” Aves explained.

The Department of Health (DOH)-10 noted possible reasons for the rising costs of medicines, vaccines, and other pharmaceutical preparations.

Jovita Sarip, Statistician II of DOH-10, pointed out that transport costs for medicines and vaccines are potential factors. She mentioned that maintaining the cold chain, essential for preserving vaccine efficacy, likely contributes to higher costs. (Apipa P. Bagumbaran/PIA-10)

Contingent No. 7 triumphs Golden Harvest Street Dancing, Ground Presentation

Posted on by Melchor Madera

MALAYBALAY CITY, Bukidnon – Contingent No. 7, composed of Barangays Batangan, Vintar, and Sinabuagan, stole the spotlight during the 24th Charter Day Celebration of Valencia City, Bukidnon, on January 12, 2025

Contingent No. 7 clinched the top spot in both the Golden Harvest Street Dancing Competition and the Ground Presentation.

The contingent also earned two Special Awards from the Valencia City government: Best in Costume and Best Product Queen.

Contingent No. 4, representing Barangays Mabuhay, Maapag, and Pinatilan, finished as the first runner-up in both the Street Dancing and Ground Presentation categories.

Contingent No. 6, comprised of Barangays Colonia, Nabag-o, and Mailag, secured second place in the Street Dancing Competition.

Meanwhile, Contingent No. 5, representing Barangays Banlag, Sinayawan, and Dagat-kidavao, placed second in the Ground Presentation. (melbmadera)

Drug suspek, 2 nga nag-pot session nakorner sa Manolo Fortich

Posted on by Diego M. Hidalgo

Isa ka drug suspek ang nakorner sa buy-bust operation ug aktong nasapnan ang duha ka mga kauban niini nga nag-pot session sa Purok Upper Pol-oton, Brgy. Tankulan, Manolo Fortich, Bukidnon, buntag sa Enero 6, 2025

Sumala sa report sa kapolisan, ang unang suspek nga nasikop nisulay pa sa pagsibat apan nasugpo ra sa kapolisan.


Pagkahuman niini, nadiskubrehan sa kapolisan sulod sa establishment ang duha ka mga kauban sa suspek nga nag-pot session.


Nasakmit sa kapolisan ang Php 16,932.00 nga kantidad sa gidudahang shabu lakip ang drug paraphernalia gikan sa mga suspek.


Kasong paglapas sa RA 9165, o Comprehensive Dangerous Drugs Act of 2002, ang giandam batok sa mga dinakpan nga suspek.


Gidala sa Regional Forensic Unit ang mga nakumpiskang droga para sa qualitative ug quantitative examinations. (Diego M. Hidalgo)

Drug suspek nakigpinusilay sa kapolisan sa Maramag

Posted on by Diego M. Hidalgo

Nakigpinusilay ang usa ka drug suspect sa kapolisan atol sa buy-bust operation nga nahitabo sa Purok 4B, Sitio San Carlos, Brgy. Kuya, Maramag, Bukidnon, hapon sa Enero 7, 2025

Sumala sa report sa kapolisan, atol sa operasyon, ang lalaking suspek nga giila nga 40-anyos, minyo, mag-uuma ug residente sa Purok 4B, Sitio San Carlos, Kuya, Maramag, Bukidnon nakabantay nga nakig-atubang siya sa usa ka pulis, hinungdan nga nibunot siya sa iyang mubo nga armas ug nipusil sa pulis. Kini nagresulta sa pag-bawos sa back-up arresting officer, nga nipusil balik ngadto sa suspek. Maayo nalang kay wa maunsa ang suspek ug ang poseur buyer.


Ang suspek mitahan sa iyang kaugalingon ug nasikop usab ang iyang kauban nga 37-anyos nga babaye, minyo, walay trabaho, ug residente sa Purok 4B, Sitio San Carlos, Kuya.


Nikabat sa Php 88,400.00 ang balor sa nasakmit nga gidudahang shabu gikan sa mga suspek.


Nasakmit sab gikan sa lalaking suspek ang usa ka kalibre .45 Colt pistol nga adunay magazine assembly nga kargado sa tulo ka bala ug laing isa pa ka magazine sa maong armas.


Ang mga dinakpan nga suspek, uban sa mga nasakmit ug nakumpiskang ebidensiya ug mga narekober nga fired cartridges, gidala sa Maramag MPS alang sa dokumentasyon ug saktong disposisyon.


Samtang ang mga ebidensiya sa droga ug mga armas nga nakumpiska itugyan ngadto sa Provincial Forensic Unit alang sa eksaminasyon.


Kasong kalapasan sa RA 9165 ug RA 10591 ang giandam alang sa inquest proceedings sa mga suspek.
Ang hiniusang puwersa sa kapolisan, gilangkoban sa mga yunit gikan sa Maramag Municipal Police Station ug Bukidnon 2nd Provincial Mobile Force Company. (Diego M. Hidalgo)