Thursday, April 25, 2024

Tag: Rabies

PVET office padayon sa paghatag og animal health services

Posted on by Omar Rashid Z. Abdullah

Padayon nga naghatag og mga animal health services ang Provincial Veterinary Office (PVet) alang niadtong mga walk-in clients nga interesadong mag-avail sa mga serbisyo alang sa ilang binuhing hayop.

Sumala sa kasayoran, ang mga serbisyo naglangkob sa rabies vaccination, deworming, treatment consultation ug paghatag og vitamins.

 

Ang buhatan bukas sa matag adlaw nga Lunes hangtud Biyernes sa alas 8 sa buntag hangtud alas 5 ang takna sa hapon.

 

Base sa data gikan sa PVET, as of February 23, 2024, mi-ihap sa 33 ka mga iro ug lima (5) ka mga iring ang naka-avail sa rabies vaccination.

 

Adunay 1,533 ang na-deworm ug 1,446 ang nahatagan ug vitamins nga gilangkuban sa iro, iring, kanding, baboy, baka, kabaw, kabayo, manok ug karnero ug dose (12) ang naka-avail sa treatment consultation.

 

Samtang upat ka iring ug upat usab ka iro ang na-kapon gikan sa Enero 18 hangtud Pebrero 14, 2024. (Omar Rashid Z. Abdullah)

Pagkahiusa sa 2023 Rabies Awareness, gisaulog

Posted on by cmn

Gisaulog sa Provincial Government of Bukidnon, pinaagi sa Provincial Veterinary Office (PVO), ang pagsaulog sa Rabies Awareness Month nga nagdala sa tema; “Rabies-free na pusa’t aso, kaligtasan ng pamilyang Pilipino.”, Marso 31, 2023, The Gardens Party Venue, Malaybalay City, Bukidnon

Gipahigayon sa maong buhatan ang 3rd Bukidnon Rabies Awareness Poster Making Contest nga gisalmotan sa 11 ka partisipante nga elementary pupil (Grade V o Grade VI), usa ka representante gikan sa Malaybalay City, Valencia City, Impasug-ong, Cabanglasan, Manolo Fortich, Sumilao, Maramag, San Fernando, Kibawe, Don Carlos ug Pangantucan, Bukidnon. Nahimong mananaug ang mga musunod: 1st Placer Hesubelle C. Camilotes-Kibawe, 2nd Placer Daniel D. Lumactod Jr.-Malaybalay City ug 3rd Placer Jasline Yeexuan Chiu Bautista-Impasu-ong.

Dungan usab sa maong kalihukan ang Bukidnon Livestock Extensions Workers Meeting, diin gipresentar sa mga personahi sa PVO ang ilahang kalampusan sa 2022 ug mga target para sa 2023, nahisgutan usab ang mga update sa Animal Health Activity ug Artificial Insemination Program. (PR)