Friday, March 21, 2025

Tag: Ritwal

Bag-ong CDRRMO building itukod sa Malaybalay

Posted on by Melchor Madera

Ang city government sa Malaybalay gikatakdang magtukod og bag-ong building alang sa City Disaster Risk Reduction & Management Office (CDRRMO)

Tungod niini, usa ka Pamuhat ritual ang gipahigayon tapad sa Rehabilitation Center sa Brgy. Casisang, Malaybalay City, niadtong Marso 4, 2025, alang sa pagpahinungod sa maong proyekto.


Sumala sa kasayoran gikan sa Facebook post sa city government, ang ritwal gipangulohan sa grupo sa mga Datu ug Bae.


Si CDRRMO Chief Alan J. Comiso, kauban ang iyang mga personahe, nitambong sa seremonya.


Diha usab si Mayor Jay Warren Pabillaran, kinsa nidasig sa mga personahe sa CDRRMO sa pagpalambo sa kalidad sa serbisyo alang sa katawhan.


(melbmadera)

12 paresan misalmot sa Tribal mass wedding

Posted on by Diego M. Hidalgo

Dose ka paresan sa Indigenous Peoples (IPs) ang nisalmot sa tribal mass wedding nga gipahigayon niadtong Agosto sa Covered Court sa Barangay Sumpong sa Malaybalay City, Bukidnon

Sumala sa kasayoran sa local government unit sa Malaybalay, ang kalihokan isa ka highlight sa “Araw ng Barangay Sumpong.”

Gitumong kini aron mapormal ang panaghiusa sa mga magtiayon nga nag-ipon na isip bana ug asawa.

Ang seremonyas gihimo subay sa naandang mga balaod, ritwal, ug tradisyon sa mga magtiayon, sumala sa gilatid sa Republic Act 8371 kon Indigenous Peoples Rights Act.

Si Datu Danny Sarito ang nangulo sa kasal, uban sa tabang ni Bae Inatlawan – Adelina Tarino ug Datu Chepin Jose Gumindan.

Gitinguha usab sa kalihokan nga masiguro nga ang mga magtiayon maka-access sa mga importanteng programa sa gobyerno, sama sa 4Ps (Pantawid Pamilyang Pilipino Program) ug PhilHealth.

Si City Mayor Jay Warren R. Pabillaran, uban sa mga sakop sa Sangguniang Panlungsod, mga opisyal sa barangay, ug nagkalain-laing lider sa tribo, nitambong sa seremonyas aron pagpakita sa ilang suporta.

Anaa ang City Civil Registrar’s Office aron motabang sa pagpirma sa mga sertipiko sa kaminyoon, pagsiguro sa legal nga pag-ila sa ilang kaminyoon. (Diego M. Hidalgo)

Ritwal sa pangampo sa IPMR, gipahigayon

Posted on by Diego M. Hidalgo

Gipahigayon ang isa ka ritwal sa pangampo alang sa bag-ong napili nga Provincial Indigenous Peoples Mandatory Representative (IPMR) niadtong Agosto 30, 2023

Base sa pahibalo sa Provincial Government of Bukidnon, ang ritwal gipahigayon sa opisina sa IPMR sa National ug Provincial Government Offices Building ning dakbayan.

Ang maong ritwal gipahigayon pinaagi ni Atty. Arbie “Bagani” Saway Llesis.

Gipanalangin ang maayong pagdumala sa bag-ong IPMR nga dili mapasagdan ang iyang katungdanan sa kinatibok-ang IP sa lalawigan, ug ilikay ang tibook probinsya sa Bukidnon sa gyera ug sa tanang katalagman.

Ang ritwal sa pangampo gipangunahan ni Bae Adelina “Inatlawan” Tarino sa tribung Bukidnon, uban sa mga City/Municipal IPMRs ning probinsya ug mga personahe sa PGO-Indigenous Affairs Division. (Diego M. Hidalgo)