Kaniadtong Pebrero 5, 2025, hugyaw nga gisugdan sa Private Schools Athletic Association (PRISAA) ang pag-abli sa 2025 Regional Games diin napili ang Dakbayan sa Valencia isip sentro sa panagtigom sa mga manunula nga nagagikan sa nagkalain-laing tulunghaan sa Rehiyon 10.
Sumala sa kasayuran sa city government sa Valencia, gisalmotan kini sa 24 ka tulunghaan gikan sa Cagayan de Oro City, Misamis Oriental, Gingoog City, Ozamiz City, Iligan City, Lanao del Norte ug del Sur, ug Probinsya sa Bukidnon.
Mainiton usab nga gi-welcome ang mga delegado sa lokal nga pangagamhanan pinaagi ni Marven Selecios, executive assistant IV, atol sa opening program nga gipahigayon sa San Agustin Institute of Technology (SAIT).
Gipaabot usab ni Selecios ang dakong pagsuporta ni Mayor Azucena “Sunny” Huervas sa maong kalihokan. (melbmadera)