Malampusong napahigayon ang sunod-sunod nga hugna sa Sangguniang Kabataan (SK) Mandatory Training 2023 sa Bukidnon
Base sa pahibalo sa LGU Bukidnon, ang training gipahigayon sa tagsa-tagsang Local Government Units (LGUs) ning Probinsya.
Ang pagbansay gipahigayon niadtong Nobyembre 8-13 ning tuig.
Napahigayon kini pinaagi sa PGO-Provincial Youth Development Office ug Bukidnon League of Local Youth Development Officers.
Ang training alayon sa gipagula nga Memorandum Circular No. 2023-156 sa Department of the Interior and Local Government (DILG) niadtong Oktubre 24, 2023.
Nagmando kini sa mga bag-ong napili nga SK Officials ug Local Development Council Members, isip pre-requisite ayha sila molingkod sa ilang mga katungdanan.
Ang mga midaog nga opisyal gitakda nga molingkod sa ilang pwesto karong umaabot Nobyembre 30 sa alas 12:00 sa udto. (MG Mayumi B. Madera)