Monday, December 23, 2024

Tag: SP

Paghatag og retirement benefits sa tanang elective, appointive barangay officials sa kongreso, gisuportahan sa SP

Posted on by cmn

Hugtanong gisuportahan sa 27th Sangguniang Panlalawigan (SP), pinaagi sa Resolution No. 2023-1143(27th SP), ang House Bill No. 3488 nga giduso ni 3rd District Representative Jose Ma. R. Zubiri, Jr., isa ka balaod nga nagtugot sa paghatag og retirement benefits ngadto sa tanang elective or appointive barangay officials nga nagserbisyo sulod sa siyam ka sunod-sunod nga tuig o tulo ka termino

Ang mga barangay officials mao ang sukaranang haligi sa pagdumala sa publiko, sanglit sila man ang diha-diha nga naghatag sa mga panginahanglanon sa ilang ginsakupan sa mas dali nga panahon. Bisan niana, kini nga mga barangay officials wala mahatagan sa igong benepisyo, hinungdan nga wala usab sila’y kapasidad nga makatipig alang sa ilang mga pangilanahanglanon.

Tungod niini nga realidad, daghan sa mga barangay officials ang nanlimbasug nga mabuhi human sa ilang serbisyo nga walay social security ug napugos sa pagpangita og mga alternatibong panginabuhian alang sa ilang inadlaw-adlaw nga galastuhan, imbes nga magtagamtam sa benepisyo nga ilang makuha sa pila ka tuig nga pagserbisyo sa publiko.

Ang House Bill No. 3488 o gitawag nga Barangay Officials Retirement Benefits Act of 2022 gipasaka niadtong Agosto 10, 2022 sa House of Representatives (19th Congress) ug gi-refer ngadto sa Committee on Local Government niadtong Agosto 15, 2022, diin mao usab kini ang panglantaw ni Senate President Juan Miguel F. Zubiri, kinsa nagpalabang ug Senate Bill No. 306 (18th Congress) alang sa susamang katuyuan. Busa, ang barangay official nga adunay katungod ubos niini nga lakang, makakuha ug monthly pension nga dili mo-ubos sa 65% sa iyang monthly average nga honoraria, allowances, ug ubang klase sa benepisyo nga gitugot sa balaod o ordinansa sa syudad, lungsod o sa barangay.

Sa higayon nga socialy secure ug stable na kining mga barangay officials, mas mapalig-on pa ang ilang pagpanerbisyo sa publiko, sa ingon nga ang gobyerno makahimo na usab sa pagdasig sa mas epektibo nga pagpangatungdanan diha sa 42,046 ka mga barangay sa tibuok nasud sa Pilipinas. (PR)

Kampyon sa Asian Junior Masters – Class D Golf Tournament, gipasidunggan sa SP

Posted on by cmn

Gipasidunggan sa 27th Sangguniang Panlalawigan (SP) si Ralph Rian “Apollo” Batican gikan sa lungsod sa Libona, Bukidnon, kinsa nahimong kampiyon sa Asian Junior Masters – Class D Golf Tournament nga gipahigayon sa Blue Canyon Country Club, Phuket, Thailand niadtong Pebrero 3-5, 2023

Isa ka congratulatory resolution ug tseke nga nagkantidad sa ₱100,000.00 ang gitunol nila ni Provincial Governor Rogelio Neil P. Roque ug Vice-Governor Clive D. Quiño, kauban ang miyembro sa 27th SP ngadto kang Batican, atol sa gipahigayon nga Monthly Convocation sa Pangagamahanang Probinsyal niadtong Marso 6, 2023.

Ang kadaogan ni Batican isa ka testamento sa iyang determinasyon ug dedikasyon uban ang dakong pagsalig sa Diyos, kakugi ug disiplina, kinsa magsilbi nga sumbanan sa tanang aspiring athletes, ilabi na sa mga kabataan nga nagtinguha sa pagkab-ot sa ilang gipili nga natad sa dula.

Gipanghinaot usab nga ang kalampusan ni Batican isip kampiyon sa gipahigayon nga Junior Golf Foundation Philippines niadtong Enero 27-29, 2023 sa Pueblo de Oro Golf Club, magbukas og daghang oportunidad sa mga aspiring golfers ug sa uban pang mahiligon sa dula, nga magpabiling lig-on taliwala sa mga hagit sa isa ka atleta.

Nakighiusa usab ang SP sa pagpangayo sa Diyosnong kaluoy aron padayon siyang giyahan ug protektahan sa tanan gimbuhaton, sa ingon, makaangkon ug daghan pang kadaugan sa umaabot. (PR)

Resolusyon nga mag-ila sa mga women’s federation presidents sa Bukidnon, gisugyot

Posted on by cmn

Gisugyot ang isa ka resolusyon nga mag-ila sa nagkadaiyang Women’s Federation Presidents gikan sa lungsod ug syudad sa probinsya sa Bukidnon

Gipahibalo sa lokal nga panggamhanan nga kini alayon sa giduso nga resolusyon ni Board Member Minerva C. Casinabe, chairman sa Committee on Women and Family Relations, atol sa ika-29 nga regular session sa 27th Sangguniang Panlalawigan (SP), niadtong Pebrero 21, 2023.

Gipaningkamotan nga matunol ang mga kopya sa maong resolusyon sa nagsingabot nga kasaulogan sa Provincial Women Summit sa Marso 9, 2023 nga nadala sa tema “WE for gender equality and inclusive society”. (PR)