Malampusong napahigayon ang turnover ceremony alang sa proyektong Solar Powered Irrigation System (SPIS) para sa Lalawan Abuhan Sawaga Simaya Communal Irrigator’s Association (LASSCIA)
Base sa pahibalo sa City Government of Malaybalay, gipahigayon ang seremonya niadtong Hunyo 2, 2023 sa buhatan sa LASSCIA, sa Barangay Violeta, sa dakbayan sa Malaybalay.
Gipahigayon sa lokal nga pangagamhanan sa Malaybalay ang seremonya pinaagi sa buhatan sa City Mayor – Agricultural and Biosystems Engineering Division (ABED).
Ang SPIS project mao ang unang proyekto sa probinsya sa Bukidnon nga gipondohan sa LGU.
Ang pondo niini gikan sa 20% nga Development Fund sa syudad nga mokabat ngadto sa Php4,647,073.09. (Diego M. Hidalgo)
