Tuesday, February 25, 2025

Tag: Valencia City

1st Kaamulan Airsoft Practical Shooting & Steel Challenge Competition, nagmalampuson

Posted on by Diego M. Hidalgo

Malampuson nga napahigayon ang pinaka-una nga Kaamulan Airsoft Practical Shooting and Steel Challenge Competition nga gipahigayon niadtong Abril 15-16, 2023 sa Valencia City National High School Covered Court, Valencia City, Bukidnon

Ang Provincial Government sa Bukidnon nipahibalo nga gipasabot sa Valencia Airsoft Practical Shooter (VAPS) ug Philippine Shooters and Match Officers Confederation (PSMOC), kinsa mao ang tigpasiugda ug nagpaluyo niini, nga ang maong aktibidad gipahigayon aron mahatagan og tukmang kahibalo ang mga manunula, ilabi na ang kabataan sa angay ug dili angayang buhaton kung mag gunit og pistula—airsoft man kini o tinuod, ingon man makabaton sa disiplina, aron malikay sa posibleng peligro niini.

Tumong usab niini nga makahatag ug kalingawan ug mapausbaw ang panaghigalaay sa matag-usa samtang nagkat-on sa hustong paggamit sa pistula. Samtang, gilantaw nga pinaagi niini nga kalihukan, daghang indibidwal ang ma-ingganyo nga mosalmot ani nga klase sa dula, sanglit bag-ohay pa lamang usab kini napaila-ila ug nasugdan dinhi sa probinsya sa Bukidnon.

Nailang mananaug sa mga nagkadaiyang kategoriya ang musunod:

Combined: 1st placer – Babaran Philip Aries, 2nd placer–Insong Blitz, 3rd placer–Galvez Pilardo.

Dast: 1st placer-Pegarido Argel, 2nd placer-Buenavista Ezen, 3rd placer-Ursal Maria.

Limited 10: 1st placer-Insong Blitz, 2nd placer-Macansantos Jeffrey.

Rifle Unli: 1st placer-Galvez Pilardo, 2nd placer-Pamisa Chemar, 3rd placer Saavedra Jun.

Single Stack: 1st placer-Macansantos Jeffrey

Stock Hicap: 1st placer-Babaran Philip Aries, 2nd placer-Insong Blitz, 3rd placer-Valmorida Jethro.

Unlimited Handgun: 1st placer-Galvez Pilardo, 2nd placer-Tapao Rey angelo, 3rd placer-Tabanao Edward. (Diego M. Hidalgo)

 

Social services sa Valencia gipalig-on pinaagi sa programang Enhanced Hatod Serbisyo sa mga Valencianos

Posted on by cmn

Mas gipalig-on nga paghatod serbisyo sa katawhan, mao kana ang patugbaw sa Enhanced Hatod Serbisyo sa mga Valencianos nga programa sa lokal nga pangagamhanan sa Valencia sa pagpangulo ni Mayor Azucena P. Huervas

Gipasabot ni Abe Gillaco, Department Head sa Human Resource and Management Office, ang tumong ug tingoha sa maong programa atol sa kalihokan nga gipahigayon niadtong Abril 17, 2023 sa City Hall covered court.

Sa maong programa, ang mga serbisyo nga ginapatuman ubos sa Ordinance No. 34-2011 ug Resolution No. 264 series of 2017 nga mao ang medical, educational, ug burial assistance ingon man ang Assistance to Families in Crisis Situation (AICS) karon mas gipadali ang pagproseso ug gipaduol sa katawhan.

Lakip sa gipatuman ang pag-organisa sa mga point person, nga gilangkoban sa mga personahe sa LGU, nga gitahasan nga maoy magtabang sa pagmonitor sa ilang komunidad ug magreport sa Hatod Serbisyo Team kung adunay mga hingtungdan nga kinahanglan tabangan.

“Kung adunay pasyente nga gusto magpadala sa ospital, ang point person na ang mutabang og tawag sa headquarters aron adunay masakyan ang pasyente,” segun ni Gillaco diin dugang usab niya nga ang pag-organisa sa mga point person pamaagi usab nga madugangan ang mga personahe nga magaserbisyo sa komunidad.

Dako usab ang papel sa Hatod Serbisyo Team sanglit sila na dayon ang mutabang sa mga hingtungdan sa pagproseso sa pagkuha sa ilahang pinansyal nga ayuda gikan sa lokal nga pangagamhanan.

Alang usab sa burial assistance, kaniadto maghatag lang sa maong ayuda ug materiales apan karon, mismo ang team na ang maghatod sa maong mga gamit nga kinahanglan.

“Gikan sa balay padulong hospital hangtod sa pag uli sa balay sa pasyente alagaran sa hatod serbisyo team. Gikan usab sa balay sa pasyente hangtod sa katapusan niyang pahulayan alagaran gihapon sa hatod serbisyo team,” matod ni Gillaco diin dugang pa niya nga konsepto sa programang Enhanced Hatod Serbisyo sa mga Valencianos ang “Silingan ko panggaon ko ug tabangan ko.”

Base usab sa impormasyon sugod Pebrero ning tuig, mikabat na sa 598 ang natabangan sa maong programa.

Suportado usab ni Retired DILG Bukidnon Provincial Director Ronelo Alvarez ang maong lakang nga gihimo sa lokal nga pangagamhanan alang sa paghatag sa labing maayo nga mga serbisyo alang sa kaayohan sa Valencianos.

Dako usab ang pasalamat ni Mayor Huervas diin iyang gipasalig ang padayon nga paghatag og serbisyo ug tabang sa katawhan.

Gisuportahan usab kini ni Atty. Genaro C. Cadigal Jr., City Administrator, diin iyang gipatugbaw ang kamahinungdanon sa kooperasyon sa tanan aron padayon ang paglambo sa mga programa sa lokal nga pangagamhanan. (LGU Valencia)

 

Sara urges Bukidnon youth to study more, be productive

Posted on by cmn

MALAYBALAY CITY, Bukidnon – Vice President Sara Duterte urged the participants and the youth to get involved in more productive activities being organized by the local government units (LGUs) as she joined the celebration of the “Kaamulan Festival” on April 22, 2023

Duterte also told parents to make sure their children will finish their studies and will stay away from illegal activities.

“Let’s bring (our children) to the good side, in going to school, in sports, and things like this — participating in activities (like Kaamulan events organized) by our local government units and our communities,” she told the audience.

Duterte also took the opportunity to thank the people of Bukidnon for supporting her and President Ferdinand R. Marcos Jr. during the 2022 elections.

The street dance and float parade participated in by the province’s seven tribes, are back after a three-year hiatus due to the Covid-19 pandemic.

“Finally, we were able to get together after the pandemic, and the seven tribes were kind enough to gather with them,” Gov. Rogelio Neil Roque said in his message.

Valencia City was declared champion in the float parade while Malaybalay City won the street dancing competition.

Kalilangan took home the championship for the ground presentation.

Due to budget cuts, only the three LGUs joined the contests.

The Bukidnon Provincial Police Office deployed personnel to monitor and maintain peace and order, while some spectators complained of “strict measures” imposed throughout the month-long festival.

The Kaamulan (from the Binukid word “amul” which means to gather) celebrates the customs and traditions of the seven tribal groups that originally inhabited the province — Bukidnon, Higaonon, Talaandig, Manobo, Matigsalug, Tigwahanon and Umayamnon. (Ercel Maandig/PNA)

 

1st Kaamulan Sepak Takraw Open Tournament, nagsilbi nga preparasyon alang sa mga national competitions

Posted on by cmn

Nagsilbi nga preparasyon alang sa mga posibleng national competitions ang gipahigayon nga pinaka-unang Kaamulan Sepak takraw Open Tournament 2023, niadtong Abril 1-2, 2023 sa Valencia City National High School Gymnasium, Valencia City, Bukidnon

Gilantaw sa Bukidnon Sepak Takraw Club Inc. (BSTCI), kinsa nagpasiugda niini, nga ang maong indigay mamahimong usa sa paagi nga maila ang mga manunula sa Sepak takraw gikan sa probinsya sa Bukidnon ug maka-kompetensya sa nagkadaiyang indigay sama sa National Sports Association (NSA-Philippine Sepak takraw League), Dipolog City Mayor’s Cup National Sepak takraw (open tournament), PSC sponsored tournaments (Batang Pinoy and Philippine National Game) ug Pilipinas Sepaktakraw Federation Incorporated (PSTFI) national tournament (PSTFI National Open).

Base sa pahibalo sa LGU sa Bukidnon, ang maong dula nabahin sa tulo ka kategorya nga mao ang Sepak takraw Men’s Open Category, Sepak takraw 30-Up Category, ug Inter Highschool’s Team (Born 2005) Bukidnon Exclusive Category.

Sa Sepak takraw Men’s Open Category, nag champion ang UM Davao A; nga gisundan sa Jord’z Apparel (1st runner-up); CBC Davao B (2nd runner-up; ug Initao A (3rd runner up).

Ang nag champion sa Sepak takraw 30-Up Category maong ang DCL Builders; gisundan sa CBC-Davao (1st runner up); PNP-Jord’z Apparel (2nd runner up); Maramag (3rd runner up).

Samtang sa Inter Highschool’s Team (Born 2005) Bukidnon Exclusive Category nag champion ang Apyao 1; nga gisundan sa Sumilao (1st runner up); Apyao 2 (2nd runner up); Impasug-ong (3rd runner up). (MG Mayumi B. Madera)

Php1.5M nasakmit sa drug buy-bust sa Valencia

Posted on by cmn

Nasakmit sa hiniusang pwersa sa kapolisan ang Php1,496,000.00 nga kantidad sa gidudahang shabu sa drug buy bust operation nga gipahigayon sa Purok-16A, Poblacion, Valencia City, Bukidnon kaniadtong Abril 3, 2023

Ang duha ka suspek giila nga si Angel Kate Abila y Casinao, 25, dalaga, residente sa maong dapit, ug Top 5 of PNP/PDEA Regional Level – High Value Individual; ug si Xerxes Theo Esteban y Poblete, 24, ulitawo, ug residente sa , Purok-6A, Poblacion, Valencia City, Bukidnon.

Ang ikatulong suspek nga nakaikyas giila nga si Edelbert Godinez y Comedoy alyas “Dido”, “Berto”, “Kaito”, 26, residente sa maong dapit ug giila nga Top 2 of PNP/PDEA Regional Level.

Gibutyag sa report sa Bukidnon Police Provincial Office nga nasakmit gikan sa mga suspek ang unom ka pakete sa gidudahang shabu nga adunay gibana-banang gibug-aton nga 220gramo.

Ang mga arestado gidala sa Valencia City Policfe office ug kasong paglapas sa RA 9165 ang giandam na batok kanila. (MG Mayumi B. Madera)

Top 4, Top 9 Bukidnon MWPs nakorner

Posted on by Diego M. Hidalgo

Nakorner sa hiniusang pwersa sa kapolisan ang Top 4 ug Top 9 most wanted person sa Bukidnon sa managlahing lugar ug higayon

Ang Top 4 MWP giila nga si Aldren Wabe y Salibay, 18, ulitawo ug residente sa Purok-21, Lilingayon, Valencia, City, Bukidnon.

Samtang ang Top 9 MWP giila nga si Rollen Escuadro y Bongaitan, 27, ug ulitawo ug residente sa Purok 5, Brgy. Barobo, Valencia City, Bukidnon.

Gibutyag sa report nga nahipos sa Bukidnon Police Provincial Office nga si Wabe nasikop niadtong Abril 11, 2023 sa iyang panimalay samtang si Escuadro nasikop sa Purok-1, Lilingayon, Valencia City niadtong Abril 4, 2023.

Si Wabe gisikop subay sa warrant of arrest sa kasong rape ug si Escuardo gisikop sa kasong frustrated murder.

Ang mga suspek kasamtangang gidala sa Valencia CPS alang sa hustong disposasyon. (Diego M. Hidalgo)

Oplan alis galis gipahigayon sa Valencia

Posted on by Omar Rashid Z. Abdullah

Gipahingusgan ang kampanya batok scabies sa dakbayan sa Valencia pinaagi sa Scabies Treatment and Response kaniadtong Abril 3, 2023 sa pipila ka mga barangay niini

Base sa pahibalo sa lokal nga panggamhanan, ang maong operasyon gipangunahan sa City Health Office – Epidemiology Disease Surveillance and Research Division ug Disease Surveillance Team sa dakbayan.

Adunay libreng checkup ug alis-galis kits ang nadawat sa mga residente nga nataptan sa maong sakit sa panit.

Ang CHO nanguna usab sa paghisgot ug pagpanghatag og Information, Education, and Communication (IEC) materials ngadto sa mga residente kalabot sa paglikay sa maong sakit.

Gipangunahan usab sa Environmental Sanitation and Occupational Health Services Division ang pag-disinfect sa pipila ka mga tunghaan sa kabarangayan aron masiguro ang pagpuo sa mga parasite nga hinungdan sa maong sakit. (Omar Rashid Z. Abdullah)

Malaybalay, Valencia Centenarian nakadawat og cash gift

Posted on by Spencer Maguale

Isa ka babayeng centenarian nga residente sa Barangay Sumpong, Malaybalay City ug isa ka lalaking centenarian gikan sa Purok 3b, Barangay Poblacion, Valencia City ang nakadawat sa ilang P100,000.00 nga cash gift gikan sa national government pinaagi sa Department of Social Welfare and Development 10

Ang Malaybalay centenarian nailang si Victoria Doliente Bulasa, kinsa gianak niadtong Disyembre 23, 1921. Samtang ang Valencia centenarian giilang si Carlos Cataloña Silva kinsa nagsaulog sa iyang ika 100 ka tuig niadtong Marso 29, 2023, isa ka World War II Veteran.

Si Silva nakadawat og dugang P50,000.00 gikan sa City Government sa Valencia.

Ang maong gasa natunol niadtong Marso 29, 2023 sumala sa pahibalo sa Malaybalay ug Valencia City Social Welfare Development Office.

Ang matag pinoy kinsa naka abot sa edad 100 ka tuig adunay katungod nga makadawat sa award ubos sa Republic Act 10868, nga nailhan usab nga “Centenarian Act of 2016.”

Ang balaod naghatag pasidungog sa tanang Pilipino nga moabot sa maong edad, nagpuyo man sa Pilipinas o sa gawas sa nasud, isip pag-ila sa ilang taas nga kinabuhi. (MG Mayumi B. Madera)

21k kantidad sa shabu nasakmit sa buy-bust operation sa Valencia

Posted on by Omar Rashid Z. Abdullah

Nikabat sa kapin sa Php21k kantidad sa shabu ang nasakmit sa hiniusang pwersa sa kapolisan sa gipahigayon nga drug buy-bust operation niadtong Marso 23, 2023

Sa report ni Police Lt. Col. Edward T. Agpalza, oic sa Valencia City Police Station, giila nga ang suspek mao si Jetro Janubas y Limpiado alias Jetro, 31, ulitawo, newly identified, ug residente sa Purok 17A, Barangay Poblacion, Valencia City, Bukidnon.

Nasakmit gikan sa suspek ang 3.1 gramo sa gidudahang shabu nga adunay estimated standard drug price nga Php 21,080.00.

Ang arestado, uban sa nasakmit nga ebidensya, gidala sa Valencia CPS.

Kasong paglapas sa Section 5 and 11, Article II of R.A. 9165 ang giandam na batok sa suspek. (Omar Rashid Z. Abdullah)

Catumbalon, St. Peter midaog sa 2023 Kaamulan Drum and Lyre Competition

Posted on by cmn

Nidaog ang Catumbalon Elementary School ug St. Peter National High School sa drum and lyre competition nga gipahigayon alayon sa pagsaulog sa Kaamulan 2023

Ang kompetisyon gipahigayon niadtong Marso 25, sa samang adlaw sa formal opening sa Kaamulan 2023.

Ang kometisyon adunay duha ka category mao ang elementary level ug secondary level.

Sa elementary level, ang champion mao ang Catumbalon Elementary School sa Valencia City nga nakakuha sa special awards nga Best in Choreography, Most Disciplined Group, Best in Costume, Best Band Majorette.

Nisunod mao ang Alae Central Elementary School sa Manolo Fortich nga nakakuha sa special awards nga Best in Musicality ug Best Band Major.

Sa secondary level, champion ang St. Peter National High School sa Malaybalay nga nidaog isip Best in Musicality, Best in Choreography, Most Discipline Group, Best in Costume, Best Band Major; gisundan sa Valencia National High School isip 2nd place nga nakuha ang Best Band Majorette award; Bukidnon National High School sa 3rd place; Kibawe National High School isip 4th placer; 5th place mao ang St. Joseph National High School; ug ang 6th placer mao ang Catumbalon National High School. (MG Mayumi B. Madera)