Monday, February 24, 2025

Tag: Valencia City

4th volume sa librong “Seeds of a Golden Harvest” gilunsad sa Valencia

Posted on by Diego M. Hidalgo

Opisyal nga gilunsad sa Lokal nga Pangagamhanan sa Dakbayan sa Valencia ang ika-upat nga volume sa libro nga mao ang “Seeds of a Golden Harvest”

Ang libro gilunsad niadtong Hunyo 27, 2023 sa CMO Conference Room.
Ang maong coffee table book naglangkob sa mga mahinungdanong binuhatan sa lokal nga pangagamhanan ubos sa liderato ni Mayor Azucena Huervas alang sa tuig 2022.
Patugbaw usab sa libro ang mga storya sa kalamposan ug kalamboan nga magahatag og inspirasyon ug dugang dungog sa katawhang Valenciano ingon man ang pagpausbaw sa maanindot nga mga lugar sa dakbayan.
Nasayran nga nalunsad ang unang volume sa libro niadtong tuig 2019.
Padayon kini nga gihimo aron mapalig-on ang pagpahibalo sa katawhan sa mga kalamboan nga nahitabo sa dakbayan nga kini usab magamit hangtod sunod henerasyon.
Ang libro mahimo usab nga available sa digital format nga imantala sa opisyal nga website sa LGU Valencia City. (Diego M. Hidalgo)

Valencia mipahigayon og clean-up drive activity

Posted on by Diego M. Hidalgo

Isa ka clean-up drive activity ang gipahigayon sa Panlibatuhan Creek sa dakbayan sa Valencia niadtong Hunyo 8, 2023

Gipangunahan sa Valencia City Environment and Natural Resources Office ang maong aktibidad. Kini base sa pahibalo sa City Government of Valencia.

Ang clean-up drive gipahigayon subay sa pagsaulog sa World Environment Day.

Sa kalihokan adunay tema nga “No to Waste: Advancing Circular Economy to #beatplasticpollution”.

Aktibo nga gipartisiparan kini sa mga miyembro sa Panlibatuhan Creek Rehabilitation and Management Council ug mga volunteers gikan sa Department of Education – Valencia City Division, Panlibatuhan Eagles Club, Valencia City Water District, City Nursery, City Public Information and Assistance Division, SUMIFRU, Phi Omega Sigma, mga personahe ni 4th District Representative Laarni Roque, ingon man sa mga residente ug purok leaders sa Purok 20, 16A, 12 ug 13.

Katuyoan sa maong aktibidad nga mapadayon ang pagmentinar sa kalimpyo sa maong sapa nga naila usab isip National Champion sa gipahigayon nga Recognizing Individuals/ Institutions towards Vibrant and Enhanced Rivers (R.I.V.E.Rs) for life Award sa Department of Environment and Natural Resources sa milabay nga tuig. (Diego M. Hidalgo)

Menor de edad, napalgan nga patay sa Valencia

Posted on by cmn

Isa ka menor de edad nga babaye ang napalgan nga patay sa Purok-18, Cabanuangan, Poblacion, Valencia City, Bukidnon niadtong Hunyo 4, 2023

Ang mga kapolisan nitaho nga niadtong Hunyo 3, ang biktima, uban sa iyang inahan, gitawagan sa isa pa ka anak niini nga kini magpadala og kwarta kanila.

Gitaho nga ang kwarta nga ipadala nikantidad og Php20,000.00 ug giingon nga ipadala kini pinaagi sa Palawan Express Padala.

Sa wala pa ang ang insidente, ang biktima, uban sa iyang inahan, gikuha sa isa ka wala mailhi nga lalaki sakay sa motorsiklo.

Sila planong dal-on kung aha makuha ang kwarta, apan, sila gidala sa isa ka hilit nga lugar.

ICT Month giselebrar sa Valencia

Posted on by cmn

Pormal nga gibuksan sa lokal nga pangagamhanan sa Valencia pinaagi sa Information Technology Services Division (ITSD) ang ICT Month celebration niadtong Hunyo 6, 2023

Sa tema nga “Knowledge Empowerment Reinforcing Networked E-Learning,” sentro sa mensahe ni Director Sittie Rahma V. Alawi, Department of Information and Technology (DICT) Region 10, ang pag-uswag sa sistema sa paghatod og impormasyon, ug edukasyon sama sa e-learning, ingon man ang misyon sa DICT nga pahimuslan ug palamboon ang potensyal sa teknolohiya alang sa ikauswag sa ekonomiya.

Gipaabot usab ni Mayor Azucena Huervas pinaagi ni Roque Rios Jr., Executive Assistant IV, ang iyang suporta sa maong kalihokan ug ang iyang pagdasig sa katawhan nga makiglambigit sa gihan-ay nga mga aktibidad sa ITSD sa pagpangulo ni Erlinda Sandig, Information Technology Officer II, aron mahimong mabungahon ang selebrasyon.

Atol sa maong kalihokan, gipangunahan ni Charmaigne Portal, City Gender and Development (GAD) Focal Person, ang paglunsad sa GAD Website Portal nga magsilbi nga tinubdan sa mga impormasyon mahitungod sa mga kalihokan ug aktibidad sa dakbayan kalabot sa GAD.

Nagmalamposon usab ang pakigpinirmahay sa lokal nga pangagamhanan sa Memorandum of Understanding kauban ang Development Academy of the Philippines ug Memorandum of Agreement tali sa Central Mindanao University alang sa kolaborasyon kalabot sa pag-implementa sa Smarter Philippines Through Data Analytics, R&D, Training and Adoption (SPARTA) ingon man ang pagmugna og mga plano ug mga programa mahitungod sa Research, Development, and Extension (RDE) nga ikalambo sa matag barangay sa dakbayan.

Gipangunahan usab ni Keren Happucha Lacadin, ICT Industry Deputy Focal, Development Bureau-DICT 10, ang pagpaila-ila sa mga miyembro sa Valencia City ICT Council nga maoy magapanday sa mga plano alang sa pagpatuman sa mga ICT programs sa dakbayan.

Nahimo nga mamumulong sa maong programa sila Engineer Josephine Santiago-Bond, Institutional Division Chief, NASA Kennedy Space Center Safety and Mission Assurance, Annalou Zambrano, City Councilor, Atty. Marlowee Selecios, City Legal Officer, Atty. Romuel Roque, PGO Bukidnon Executive Assistant, ug April Geyruss P. Duran, Administrative Aide III, nga mipresentar kay Vice Mayor Atty. Ted Pepito. (City Government of Valencia)

Negosyante patay sa pagpamusil sa Valencia

Posted on by cmn

Isa ka negosyante ang patay human gipusil kini sa Purok-17C, Sayre Highway, Hagkol, Poblacion, Valencia City, Bukidnon niadtong Mayo 29, 2023

Ang biktima giila nga si Ana Lea Dela Cerna, 37, adunay kapuyo, ug residente sa Brgy. Lourdes, Valencia City.

Ang Valencia City Police Station, sa ilang taho, nibutyag nga ang biktima naglingkod gawas sa iyang gipanagiyahan nga Yancy Jay’s Letchon Manok sa dihang gipusil kini sa wala mailhi nga lalaki.

Ang biktima gipusil sa ulo sa wala mailhi nga suspek gamit ang .45 caliber pistol.

Ang biktima gidala sa Laviña General Hospital apan gideklara kining dead on arrival sa attending physician.

Ang alert team ug intelligence operatives sa Valencia CPS nipahigayon sa isa ka hot pursuit operation alang sa posibleng pag-ila ug pagkasikop sa miikyas nga suspek.

Ang kapolisan kasamtangang misusi alang sa pag-ila sa motibo sa insidente. (MG Mayumi B. Madera)

Oplan Paglilinis sa Pulangui Riverside Boulevard sa Valencia, nagmalampuson

Posted on by Omar Rashid Z. Abdullah

Malampuson nga napahigayon sa dakbayan sa Valencia ang Oplan Paglilinis sa Pulangui Riverside Boulevard

Base sa pahibalo sa City Government of Valencia, ang maong kalihokan gipahigayon niadtong Mayo 26, 2023.

Ang Valencia City Government Employees Union (VCGEU) aktibo nga mipartisipar sa napahigayon nga clean-up drive.

Pagahimoon matag katapusang biyernes sa bulan ang maong kalihokan sa katuyoan nga mapadayon ang pagtabang sa paglimpyo sa palibot ug pagpreserbar sa kinaiyahan.

Nahimo usab nga malamposon ang aktibidad pinaagi sa pakigtambayayong sa nagkalain-laing buhatan ug ahensiya sa gobyerno. (Omar Rashid Z. Abdullah)

Valencia celebrates KERNEL 2023 this June

Posted on by cmn

The City Government of Valencia, Bukidnon, through the Information Technology Services (ITS) Division, will celebrate KERNEL 2023 this month of June with the theme: Adapting Data-driven Vision: Applying New-normal, Cybersafety & Esports Development (ADVANCED)

The theme of adapting a data-driven vision revolves around three interconnected areas: applying the new normal, prioritizing cybersafety, and fostering esports development. In today’s fast-paced digital world, these aspects play a crucial role in shaping strategies, ensuring safety, and capitalizing on emerging opportunities.

The new normal refers to the paradigm shift brought about by recent global events. It has necessitated adaptability and resilience in various aspects of life, including business and decision-making processes.

Data-driven vision provides valuable insights and analysis, empowering organizations to make informed choices and optimize their operations in the face of uncertainty.

Cybersafety has become a pressing concern as our lives increasingly depend on digital technologies. Protecting sensitive information and maintaining privacy is of utmost importance in an interconnected world.

Data-driven vision, when combined with robust cybersecurity measures, enables individuals and organizations to safeguard their data, identify potential threats, and implement proactive defense mechanisms to ensure a safe digital environment.

Esports, the competitive world of professional video gaming, has witnessed remarkable growth and popularity. Data-driven vision plays a crucial role in the development of esports, allowing organizations and players to analyze gameplay statistics, enhance performance, and engage with fans and sponsors.

By leveraging data and technological advancements, esports can continue to flourish as a thriving industry.

In summary, adapting a data-driven vision to the new normal involves utilizing data to make informed decisions, prioritizing cybersafety to protect against digital threats, and leveraging data in the development of esports.

By embracing these elements, individuals, businesses, and organizations can navigate the evolving digital landscape, ensure security, and capitalize on the opportunities presented by emerging industries. (LGU Valencia)

Top 1, Top 5 MWP sa Bukidnon, nasikop

Posted on by Diego M. Hidalgo

Nasikop sa hiniusang pwersa sa kapolisan ang Bukidnon Top 1 ug Top 5 most wanted person sa managlahing lugar ug higayon

Ang mga suspek giila nga si William Lamadrid y Tagolao ug Rachel Pizarro y Casas. Kini base sa report nga nahipos sa Bukidnon Police Provincial Office.

Si Lamadrid, 48, minyo, driver, ug residente sa Purok Demokrasya, Salawagan, Quezon, Bukidnon. Siya ang giila nga Top 1 MWP sa Bukidnon.

Gisikop siya niadtong Mayo 20, 2023 subay sa warrant of arrest sa kasong Murder.

Si Lamadrid gidala na ubos sa kustodiya sa Valencia City Police Station alang sa hustong disposasyon.

Sa laing bahin, si Pizzaro, 29, dalaga, call center agent sa Teleperformance, ug residente sa Molino 4, Bacoor, Cavite City. Giila siya nga Top 5 MWP sa Bukidnon.

Gisikop siya sa Laguindingan International Airport, Laguindingan, Misamis Oriental niadtong Mayo 22, 2023 sa trese sa ihap sa kasong Qualified Theft.

Siya gidala sa Bukidnon Police Intervention Unit alang sa hustong disposasyon. (Diego M. Hidalgo)

Capacity Building, Institutional Development alang sa ICT Council sa Valencia, nagmalampuson

Posted on by Diego M. Hidalgo

Nagmalamposon nga napahigayon ang Capacity Building ug Institutional Development alang sa mga miyembro sa Information and Communications Technology (ICT) Council sa Lokal nga Pangagamhanan sa Dakbayan sa Valencia

Nagmalapuson kining napahigayon niadtong Mayo 15-16, 2023, base sa pahibalo sa City Government of Valencia.

Ang aktibidad gipangunahan sa Information Technology Service Division (ITSD) sa pakigtambayayong sa Department of Information and Communications Technology (DICT) Region 10.

Nahisgutan sa maong aktibidad ang kamahinungdanon sa ICT alang sa pagkab-ot sa katilingbanon ug ekonomikanhong kalamboan ingon man ang dakong papel sa ICT Council sa pagmugna og mga programa ilabina sa paghatag og oportunidad sa katawhan nga makakita og trabaho. (Diego M. Hidalgo)

Rice Trading Project gi-turnover sa tulo ka organisasyon sa Valencia

Posted on by cmn

Ang Rice Trading Project ubos sa DOLE Integrated Livelihood Program, gi-turnover ngadto sa tulo ka peoples’ organization sa dakbayan sa Valencia niadtong Mayo 19, 2023

Base sa pahibalo sa City Government of Valencia, ang turnover ceremony gipangunahan sa Department of Labor and Employment (DOLE) kauban ang City Government of Valencia pinaagi sa Employment and Placement Services Division (EPSD).

Pinaagi sa maong programa, nakabenepisyo ang matag grupo nga mao ang Domagook Farmers Association, Laligan Curvada Spring Association, ug Lumbayao Lumad Association.

Ang matag isa nakadawat og Php250,000.00.

Ang maong kantidad sa maong proyekto gilaumang ipalambo isip dugang nga panginabuhian sa ilang mga miyembro. (MG Mayumi B. Madera)