Tuesday, November 17, 2026

Panid Bisaya

ππŽπ‹π”ππ“π€π‘π˜πŽππ† π’π„π‘ππˆπ’π˜πŽ 𝐒𝐀 ππ’ππŽ, π†πˆππ€π’π€π‹π€πŒπ€π“π€π 𝐒𝐀 𝐏𝐆𝐁

0

Central Mindanao Newswatch - local newspaper

Share this post?

GIPASALAMATAN sa Provincial Government of Bukidnon (PGB) ang mga Barangay Service Point Officers (BSPO) sa probinsya sa ilang boluntaryo nga serbisyo sa nagkadaiya nga barangay, atol sa gipahigayon nga Provincial BSPO Congress, Association of Barangay Population Volunteers of Bukidnon, Nobyembre 9, 2023 sa Kaamulan Open Theater, Malaybalay City, Bukidnon

Gitawag ni Provincial Governor Rogelio Neil P. Roque ang mga BSPO ug β€œlocal heroes of Bukidnon” nga sa ilang pag-alagad sa katawhan, usa kini ka ehemplo nga serbisyo sa gobyerno nga tinud-anay ug angayan hatagan sa dakong pasidungog sa ilang maayong buhat sa komunidad.
Gipasidunggan usab sa gobernador ang mga awardee sa Best Practice in 3 program components, nga mao ang: Responsible Parenthood and Family Planning (RPFP) ni Eliza M. Dumagpi, Population Program Officer (PPO)-I sa Cabanglasan; Adolescents Health and Development ni Pascual M. Sale, PPO-1 sa Sumilao; ug Population & Development (POPDEV) Integration ni Regina H. Abad, PPO-I sa Kitaotao.
Isip keynote speaker, gipaabot ni 4th District Representative Laarni Roque ang iyang dakong pasalamat ug pag-aghat ngadto sa tanang BSPO sa pagpadayon sa ilang mga maayong buhat nga gipakita ug pagpakabana sa katawhan.
Gitunol usab ang pasidungog ngadto sa Awardees of 2023 Rafael M. Salas Kaunlarang Pantao Award ngadto sa nagkadaiyang LGU nga nakuha sa lungsod sa Sumilao isip 1st place, gisundan dayon sa mga lungsod sa Malitbog, Kitaotao, Cabanglasan ug Maramag. Sa Barangay Population Volunteers Category, 1st place ang Don Carlos, 2nd place ang Dangcagan, sunod ang Kitaotao, Maramag ug Lantapan. Nahimong regional winner sa Kaunlarang Pantao Award si Jeraldine Magsayo, BSPO President kinsa mao usab ang mamahimong representante sa probinsya ngadto sa national level nga ipahigayon karong umaabot Nobyembre 23, 2023. Sa maong okasyon, adunay dance contest nga gipahigayon diin nakuha sa LGU-Cabanglasan ang 1st place, gisundan sa LGU-Damulog, ug LGU- Sa Fernando sa 3rd place kung aha ang ilang representante usab ang nahimong Miss BSPO 2023.
Mitambong sa maong kalihukan sila Deputy Executive Director Lolito R. Tacardon sa Commission on Population Development, Dir. Niel Aldrin G. Omega sa Commission on Population and Development Region-10 nga gipasayon sa PGO-Population and Development Division.

Related Post

Patay ang isa ka 45-anyos nga lalaki human dunggaba og makadaghang higayon sa likod sa isaka 33-anyos nga lalaki sa Purok 2, Sitio Patpat, Barangay Salimbalan, Baungon, Bukidnon, alas5:30 sa buntag niadtong Oktubre 30, 2026. Sumala sa inisyal nga imbestigasyon sa Baungon Municipal Police Station (MPS), naghulat nakuno ang suspek sa daplin sa karsada dihang...
Nadakpan sa kapulisan ang ikatulo sa mga most wanted person sa provincial level sa Bukidnonatol sa operasyon sa Zone 3, Barangay Lunocan, Manolo Fortich, niadtong Nobyembre 11. Giila sa kapulisan ang dinakpan nga si Alvin Ochate Pagar, 27 anyos, minyo ug residente saZone 13, Barangay Damilag, Manolo Fortich.Gipahigayon ang operasyon alas-9:15 sa buntag sa mga...
Patay ang 53-anyos nga drayber sa motorsiklo human mabanggaan sa isa ka Toyota Hilux pick-up sa National Highway, Purok 1, Camp 1, Maramag, Bukidnon, alas-4:20 sa hapon niadtongNobyembre 4, 2026. Base sa imbestigasyon sa Maramag Municipal Police Station (MMPS), padulong sa Don Carlosang pick-up nga gimaneho sa 28-anyos nga lalaki dihang kalit nga mitabok sa...