Wednesday, July 10, 2024

Panid Bisaya

πŒπ†π€ ππ‘πŽπ†π‘π€πŒπ€ 𝐀𝐋𝐀𝐍𝐆 𝐒𝐀 π€ππˆπŒπ€π‹ πˆππƒπ”π’π“π‘π˜ 𝐒𝐀 ππ‘πŽππˆππ’π˜π€, ππ€ππ€π“π”πŒπ€π 𝐔𝐆 π†πˆ-𝐏𝐑𝐄𝐒𝐄𝐍𝐓𝐀

0

Central Mindanao Newswatch - local newspaper

Share this post?

NAPATUMAN ug gipresenta sa Provincial Veterinary Office (PVO) ug Provincial Zoological Park ang mga programa alang sa animal industry sa probinsya, atol sa gipahigayon nga Monthly Convocation Program, Nobyembre 6, 2023 sa Kaamulan Open Theater, Malaybalay City, Bukidnon

Sa presentasyon ni Dr. Stephen M. Arcayera, Provincial Veterinarian, gihatagan niini ug gimbug-aton ang pag-implementa sa Animal Disease Prevention and Control Program nga maghatag ug benepisyo sa agricultural production, food security and safety, public health, ingon man ang animal welfare sa lalawigan.
Consolidated report usab gikan sa PVO ug sa 22 ka mga Local Government Units (LGUs) sa probinsya ang sunod nga gihikyad, diin as of January-September 2023, mitala na sa 1,968 backyard animal ang nabakunahan alang sa hemorrhagic septicemia, 360 backyard hogs sa hog cholera, 3,108 backyard chickens sa Newcastle disease ug 76,702 dogs & cats sa rabies. Samtang, 25 ka libre nga mga animal health activities ang napahigayon, lakip ang deworming/defluking sa 124,617 ka mga kahayupan (baka, kabaw, kabayo, kanding, karnero, baboy, iro, iring, manok ug other poultry); 147, 414 ang nahatagan sa vitamins and mineral supplement ug 15,942 ang natambalan.
Niining maong implementasyon sa probinsya sa Bukidnon, nagpabilin kini nga greenzone o free-zone gikan sa hulga sa African Swine Fever (ASF), basi sa pinakabag-o nga zoning status sa Bureau of Animal Industry, apan padayon pa gihapon nga gihingusgan ang implementasyon sa β€œBantay ASF sa Barangay” aron masiguro nga luwas ang probinsya gikan sa maong sakit.
Gipakisayud usab ni Dr. Carmen S. Tangara, Livestock Inspector II/Zoo Curator, nga anaa sa 87,039 ang ihap sa adults and kids nga nakabisita sa Provincial Zoological Park, gikan sa bulan sa Enero hangtud Setyembre 2023. Samtang mikabat sa β‚±1,427,860.00 ang income sa entrance fee gikan sa bulan sa Marso hangtud Setyembre 2023.
Mapasalamaton si Provincial Vice-Governor Clive D. QuiΓ±o, kinsa nag-representa kang Provincial Governor Rogelio Neil P. Roque, sa nahimong mga kalampusan sa sponsoring offices.
Kauban ang mga miyembro sa Sangguniang Panlalawigan, gipangunahan ni Vice Governor QuiΓ±o ang pagtunol sa kopya sa congratulatory resolutions sa SP ngadto sa konseho sa peace and order sa probinsya nga gidawat ni Provincial Administrator Cherry Pepito sa ngalan ni Governor Roque, lakip ang duha ka mga mananaug sa PAGCOR photography contest nga sila Mr. Oliver M. Atienza ug Alvin Cempron isip usa sa mga grand winners sa Conventional Category

Related Post

Mikabat sa 711 ka mga benepisaryo sa Tulong Panghanapbuhay sa Ating Disadvantaged (TUPAD) program gikan sa tulo ka munisipyo sa habagatang bahin sa Bukidnon ang nakadawat na sa ilang suweldo Gikumpirma kini sa Department of Labor and Employment (DOLE-X) Bukidnon Provincial Field Office (BukPFO) pinaagi sa ilang social media post. Ang Tupad payout gipahigayon kaniadtong...
Niadtong Mayo 22, 2024, ang Corn Production Livelihood Project nga nagkantidad og PhP 500,000.00 pormal nga giturn-over sa Silae Corn Growers Association (CGA) Ang proyekto nga gitunol gikan sa National Economic Development Authority (NEDA-10). Ang dakbayan sa Malaybalay giila sa NEDA-10 nga isa sa mga Local Government Unit (LGU) nga maka-avail sa ER 1-94 Funds...
Ang Department of Agriculture – Regional Field Office 10 (DA-RFO 10) mitugyan sa P5.2-million bio-secured ug climate-controlled swine production facility ngadto sa Sinuda Multi-Indigenous Sectoral Farmers and Workers Association (SIMUSOFAWA) niadtong Mayo 23, 2024 sa Kitaotao, Bukidnon Sumala sa kasyoran gikan sa DA-RFO 10, tumong niini aron ma-moderno ug mapausbaw ang kapasidad sa lokal nga...