Isa ang patay ug kurentay dos ka residente sa dakbayan sa Valencia ang nagpositibo sa coronavirus disease (Covid-19) sa Mayo 14.

Sumala sa Covid-19 fatality update sa Valencia, ang namatay mao ang Case no. 812. Siya 54 anyos nga lalaki kinsa residente sa Purok 6 sa Brgy. Poblacion.

Samtang ang 42 nga gikumpirmang nagpositibo sa virus sa maong adlaw, kasagaran kanila na-exposed sa mga nagpositibo sa virus o resulta sa local transmisyon. Ang 23 kanila mga babaye.

Ang pinakaubos kanila nag-edad og tres anyos nga batang lalaki. Tulo lang sab kanila ang adunay travel history ugp ito lang kanila ang mga symptomatic.

As of May14, ang Valencia adunay kinatibuk-ang 893 kaso sa Covid-19 gumikan sa 42 nga bag-ong nadugang. Anaa sa 141 ang aktibong mga kaso. Ang tanan nga nangaulian niabot sa 733 gumikan sab sa tulo nga nadugang. Niabot na sab sa 19 ang mga namatay.