Nakadawat og kinatibuk-ang P710,000.00 nga hinanali nga cash aid ug livelihood support packages ang 14 ka kanhi myembro sa New People’s Army nga karon gitawag nga Friends Rescued (FRs), gikan sa gobyerno

Natigayon ang maong distribusyon atol sa release sa DILG-Administered Package Assistance ubos sa Enhanced Comprehensive Local Integration Program niadtong Abril 8, 2026, sa Bukidnon Police Provincial Office sa Malaybalay City, Bukidnon.

Sumala sa kasayoran, si Police Col. Oliver S. Navales miabi-abi sa mga benepisyaryo, stakeholders, ug partners sa maong kalihokan.

Si Seigfred C. Tubalado, commander sa 403rd Brigade, nangulo sa panumpa sa mga benepisyaryo alang sa ilang pasalig sa pagtukod og mas progresibong komunidad.

Kauban sa programa ang mga opisyal gikan sa Department of the Interior and Local Government ug Department of Social Welfare and Development, nga naghatag og suporta ug serbisyo para sa reintegration ug livelihood development, lakip ang agricultural seedling assistance.

Ang programa kabahin sa padayon nga paningkamot sa gobyerno sa pagpalig-on sa kalinaw ug kalamboan sa Bukidnon pinaagi sa social reintegration initiatives. (melbmadera)