Central Mindanao Newswatch – local newspaper
Duha ka drug personalities ang nakorner sa kapolisan sa buy bust operation nga gipahigayon sa Purok 6A, Brgy. North Poblacion, Maramag buntag sa Pebrero 6.
Sumala sa taho sa kapolisan, ang duha nailang si Jessie Mark Quinto, 26, ug residente sa Purok 2B, Brgy. Panadtalan, Maramag ug Mark Ryan Quinto, 27, laborer ug residente sa Purok 6A, Brgy. North Poblacion, Maramag. Sila mga ulitawo ug parehong lakip sa drug watch list sa kapolisan.
Nakuha gikan sa ilang posisyon ang selpon, P500 buy bust money ug upat ka pakite sa gidudahang shabu nga adunay street value nga P2, 000.
Ang mga suspek ug nasakmit nga mga ebidensya gidala sa Bukidnon Provincial Crime Laboratory sa Malaybalay City.
By: Omar Rashid Z. Abdullah
