Duha ka miyembro sa Militia ng Bayan sa New People’s Army ang boluntaryong mi-surrender sa mga otoridad sa managlahing operasyon nga gipasiugdahan sa 2nd Bukidnon Provincial Mobile Force Company (PMFC) sa Don Carlos, Bukidnon, niadtong Nobyembre 22 ug 23, 2025

Sumala sa report sa Police Regional Office 10, sila ilalom sa gi-dismantle nga Sub-Regional Committee 2 sa North Central Mindanao Regional Committee (NCMRC) sa NPA.

Unang nitahan ang 23-anyos nga si Alyas “Bulaw,” minyo, mag-uuma, ug residente sa Barangay Indalasa, Malaybalay City, Bukidnon.

Pagka Nobyembre 23, nitahan sab ang 24-anyos nga si Alyas “Siloy,” ulitawo, laborer, ug residente sab sa Barangay Indalasa.

Ang duha sakop sa Guerilla Front 89 ug boluntaryong nitahan dala ang tag-usa nga kalibre .38 revolver.

Sila anaa sa kustodiya sa 2nd Bukidnon PMFC alang sa debriefing ug profiling.

Uban sa operasyon sa Second Bukidnon PMFC ang mga personnel sa DI-MAPIO, Malaybalay City Police Station, PIT-RIU ug 1003rd Maneuver Company, RMFB 10, ug sa kordinasyon sa PIU-BPPO. (melbmadera)