Tuesday, November 17, 2026

Panid Bisaya

3 NPA mitahan sa San Fernando

0

Central Mindanao Newswatch - local newspaper

Share this post?

Tulo ka opisyal sa New People’s Army (NPA) ang mitahan kaniadtong Marso 11, 2026, sa 1003rd Maneuver Company, Regional Force Battalion (RFB) 10 Headquarters, Sityo Colon, Barangay Halapitan, San Fernando, Bukidnon

Sumala sa Police Regional Office (PRO) 10, ang tulo ka miyembro sa Guerilla Front Malayag sa NPA ug mga residente sa Barangay Mandahican, Cabanglasan, Bukidnon, nailhan nga: Alyas “Bogtong” o “Jo,” 54, team leader; ug mga supply officer nga si Alyas “Mike,” 27, ug Alyas “Rolyn,” 47.

 

Gitahan ni “Bogtong” ang usa ka kalibre .45 nga pistola uban ang duha ka steel magazines ug walo ka bala. Si “Mike” mitugyan usab sa usa ka kalibre .45 nga pistola uban ang duha ka steel magazines ug upat ka bala, samtang si “Rolyn” mitugyan sa usa ka home-made shotgun uban ang usa ka steel magazine ug 12 ka shot shells.

 

Ang boluntaryong pagsurender gipasiugdahan sa mga personahe sa 1003rd MC, RMFB 10 (Lead Unit) uban sa suporta sa S2 ug 1004th MC, RMFB 10; San Fernando MPS; 2nd PMFC-Bukidnon; PIU-Bukidnon; RPSB San Fernando ug Cabanglasan, Bukidnon Cluster; PIU BUK-PIT; RID 10; RIU 10; ug 13SAC, 1st SAB, PNP-SAF.

 

Ang tulo ka miyembro sa Communist Terrorist Group (CTG) karon anaa sa kustodiya sa 1003rd MC, RMFB 10 Headquarters alang sa custodial debriefing ug profiling, samtang ang gisurender nga armas gipailawom sa tukmang dokumentasyon ug disposisyon.

 

Si Police Brig. Gen. Christopher N. Abrahano, regional director sa PRO 10, midayeg sa operating units sa ilang padayon nga paningkamot sa pag-awhag sa mga miyembro sa CTG nga mobalik sa pundok sa balaod.

 

“Among gidasig ang ubang miyembro sa CTG nga naa pa sa kabukiran sa pagsurender nga malinawon ug paggamit sa mga programa sa reintegration sa gobyerno aron masuportahan ang ilang pagbalik sa mainstream society,” matud niya. (melbmadera)

Related Post

Patay ang isa ka 45-anyos nga lalaki human dunggaba og makadaghang higayon sa likod sa isaka 33-anyos nga lalaki sa Purok 2, Sitio Patpat, Barangay Salimbalan, Baungon, Bukidnon, alas5:30 sa buntag niadtong Oktubre 30, 2026. Sumala sa inisyal nga imbestigasyon sa Baungon Municipal Police Station (MPS), naghulat nakuno ang suspek sa daplin sa karsada dihang...
Nadakpan sa kapulisan ang ikatulo sa mga most wanted person sa provincial level sa Bukidnonatol sa operasyon sa Zone 3, Barangay Lunocan, Manolo Fortich, niadtong Nobyembre 11. Giila sa kapulisan ang dinakpan nga si Alvin Ochate Pagar, 27 anyos, minyo ug residente saZone 13, Barangay Damilag, Manolo Fortich.Gipahigayon ang operasyon alas-9:15 sa buntag sa mga...
Patay ang 53-anyos nga drayber sa motorsiklo human mabanggaan sa isa ka Toyota Hilux pick-up sa National Highway, Purok 1, Camp 1, Maramag, Bukidnon, alas-4:20 sa hapon niadtongNobyembre 4, 2026. Base sa imbestigasyon sa Maramag Municipal Police Station (MMPS), padulong sa Don Carlosang pick-up nga gimaneho sa 28-anyos nga lalaki dihang kalit nga mitabok sa...