Ang Munisipyo sa Kitaotao nagpahigayon og usa ka Tribal Mass Wedding Ceremony nga naghiusa sa 36 ka magtiayon

Sumala sa kasayoran sa 89th Infantry Battalion, natigayon ang kalihokan niadtong Marso 28, 2026, sa Covered Court sa Barangay Sagundanon.

Si Datu Cosme M. Lambayon, Municipal Indigenous Peoples Mandatory Representative (IPMR), ang nangulo sa seremonyas nga nagtimaan sa pagsugod sa bag-ong biyahe sa mga magtiayon.

Dugang pa, 16 ka pares gikan sa Friends Rescued program kon kanhi myembro sa New People’s Army (NPA), ang miapil ug nadawat sa mainitong pagtimbaya sa komunidad.

Ang Tribal Mass Wedding naghiusa sa mga lokal nga pamilya, mga miyembro sa FR, ug mga lider sa komunidad, nga nagmugna og lig-on nga pagbati sa panaghiusa ug kolektibong responsibilidad.

Labaw pa sa pagselebrar sa personal nga milestone, ang seremonya nagpasiugda sa kahinungdanon sa suporta sa komunidad, pagtinabangay, ug panaghiusa aron makatukod og lig-on ug nagkahiusang kasilinganan. (melbmadera)