Mikabat sa P500,000.00 ang reward money nga gitunol ngadto sa isa ka confidential informant nga naghatag og sakto nga impormasyon sa kapulisan aron masikop si Glenbert P. Celiz niadtong Setyembre 16, 2023

Base sa pahibalo sa City Government of Valencia, ang maong reward gitunol sa LGU Valencia City pinaagi ni Mayor Azucena “Sunny” Huervas.

Ang nasikop nga si Glenbert P. Celiz mao ang suspetsado sa pagpatay kang Mark Atay.

Mahinumduman nga nasikop si Glenbert Celiz niadtong Septembre 4, 2023 didto sa Poblacion, Quezon, Bukidnon human gipahigayon ang Joint Police Operation aron ipatuman ang Warrant of Arrest sa kasong Murder batok kang Celiz.

Ang biktima nga si Mark Atay, isa ka graduating nga information technology (IT) student kinsa namatay human gipusil niadtong Mayo 27, 2023.

Atol sa pagsikop sa suspek, nakuha gikan kaniya ang isa ka kalibre .45 nga pistola, duh aka magazine, 10 ka bala, ug lima ka pakete sa gidudahan nga shabu nga adunay gibug-aton nga 15 gramos ug gibana-bana nga mikantidad og Php102,000.00. (MG Mayumi B. Madera)