Gibuksan sa Bukidnon Studies Center sa Bukidnon State University (BukSU) ang Panagtigum sa mga artists ug ilang mga obra (Gathering of Artist and their Arts), pinaagi sa ribbon cutting nga gipangunahan ni Dr. Carina Joane Barroso, vice-president sa Research, Extension and Innovation, kauban ang mga personahe gikan sa Provincial Governor’s Office, mga opisyales ug kawani sa syudad sa Malaybalay, uban sa ahensya sama sa DTI ug TESDA, niadtong Hulyo 31, 2023 sa Kaayaran Gallery, Bukidnon Studies Center, BukSU Main Campus, Malaybalay City, Bukidnon

Ang 48 ka mga partisipante nagikan pa sa Cagayan de Oro City, El Salvador City sa Misamis Oriental, mga lungsod sa Manolo Fortich, Pangantucan, Impasug-ong, Maramag, Valencia City, Malaybalay City ug uban pang dapit sa Bukidnon, kung aha naka-display ang 100 nga mga obra nga malantaw gikan Hulyo 31,2023 – Agosto 25,2023.

Tumong niini nga mapakita ang ilang mga kahanas ug talento diha sa pag-drawing sa tinguha nga makakuha ug suporta ug ma-promotar ang ilang mga kaugalingong buhat. (LGU Bukidnon)