Nakorner sa managlahi nga police operations ang isa ka babaye ug isa ka lalaki sa Malaybalay City ug Valencia City kaniadtong Setyembre 15, 2025

Sumala sa report ni Police Lt. Col. Joepet B. Paglinawan, hepe sa Malaybalay City Police Station (MCPS), ang 48-anyos nga babaye nasikop sa buy-bust operation sa Purok 6, Brgy. Casisang, Malaybalay City, pasado alas 6:02 sa gabii. Siya giila nga high value individual ug residente sa Purok 4, Brgy. Caburacanan, Malaybalay City.

Gikumpiska gikan sa posisyon sa babaye ang selpon, eco-bag, ug giduhang shabu nga nagkantidad og Php 408,503.20 base sa standard nga presyo sa droga.

Sa laing bahin, sumala sa report ni Police Lt. Col. Bryan M. Panganiban, hepe sa Valencia City Police Station (VCPS), nasikop ang 32-anyos nga lalaki sa buy-bust operation sa Purok 11, Brgy. Poblacion, Valencia City, pasado alas 10:42 sa gabii.

Gisikop siya sa personnel sa Valencia CPS, kauban ang City Anti-Drugs Special Unit Team (CADSUT), ubos sa Office sa City Mayor. Gikumpiska gikan sa iyang posisyon ang giduhang shabu nga adunay standard nga kantidad nga Php 412,080.00, coin purse, shabu container, selpon, ug motorsiklo.

Ang duha ka suspetsado, kauban ang mga ebidensya, gidala sa police station alang sa husto nga pagproseso ug ipadala sa Provincial Forensic Unit para sa qualitative ug quantitative nga eksaminasyon.

Mga kaso sa paglapas sa Article II, Sections 5 ug 11 sa R.A. 9165 giandam na batok sa mga nadakpan. (Omar Rashid Z. Abdullah)