Tuesday, November 17, 2026

Panid Bisaya

70 ka mag-uuma makabenepisyo sa ₱1.5-M nga proyekto sa Malaybalay

0

Central Mindanao Newswatch - local newspaper

Share this post?

Setenta (70) ka mag-uuma gikan sa tulo ka barangay sa Malaybalay City ang makabenepisyo sa
₱1.5 milyong proyekto sa Lokal nga Kagamhanan nga nagtumong sa pagpalambo sa
malungtarong agrikultura ug pagpanalipod sa mga umahan batok sa pagkaanod sa yuta.

Gipondohan kini pinaagi sa Local Disaster Risk Reduction and Management Fund (LDRRMF)
sa City Disaster Risk Reduction and Management Office (CDRRMO) ug gipatuman sa CAgO
pinaagi sa High Value Crops Development Program (HVCDP), nga naglakip sa paghatag og de-
kalidad nga mga binhi sa nagkalainlaing kahoy nga mamunga ug abono.
Pinaagi sa pagtanom og mga kahoy subay sa Natural Vegetative Strips (NVS) ug contour lines,
gilauman nga mapugngan ang pagkaanod sa yuta, mapreserbar ang sustansya niini ug
madugangan ang dugayng tinubdan sa panginabuhian sa mga mag-uuma.
Gipahigayon ang social preparation activity ug ceremonial turnover sa proyekto niadtong
Oktubre 28 sa Barangay Sinanglanan, diin mitambong ang 44 ka mag-uuma gikan sa Barangay
Apo Macote, San Martin ug Sinanglanan.
Atol sa programa, giawhag ni Acting Assistant City Agriculturist Lilianne A. Obre ug Konsehal
Alan Ryann O. Legaspi ang mga benepisyaryo nga hustong moatiman sa mga binhi aron
masiguro ang kalampusan sa proyekto ug ang dugayng benepisyo niini sa ilang panginabuhian.
(melbmadera)

Related Post

Patay ang isa ka 45-anyos nga lalaki human dunggaba og makadaghang higayon sa likod sa isaka 33-anyos nga lalaki sa Purok 2, Sitio Patpat, Barangay Salimbalan, Baungon, Bukidnon, alas5:30 sa buntag niadtong Oktubre 30, 2026. Sumala sa inisyal nga imbestigasyon sa Baungon Municipal Police Station (MPS), naghulat nakuno ang suspek sa daplin sa karsada dihang...
Nadakpan sa kapulisan ang ikatulo sa mga most wanted person sa provincial level sa Bukidnonatol sa operasyon sa Zone 3, Barangay Lunocan, Manolo Fortich, niadtong Nobyembre 11. Giila sa kapulisan ang dinakpan nga si Alvin Ochate Pagar, 27 anyos, minyo ug residente saZone 13, Barangay Damilag, Manolo Fortich.Gipahigayon ang operasyon alas-9:15 sa buntag sa mga...
Patay ang 53-anyos nga drayber sa motorsiklo human mabanggaan sa isa ka Toyota Hilux pick-up sa National Highway, Purok 1, Camp 1, Maramag, Bukidnon, alas-4:20 sa hapon niadtongNobyembre 4, 2026. Base sa imbestigasyon sa Maramag Municipal Police Station (MMPS), padulong sa Don Carlosang pick-up nga gimaneho sa 28-anyos nga lalaki dihang kalit nga mitabok sa...