Tuesday, November 17, 2026

Panid Bisaya

Top 3 most wanted sa Bukidnon, nadakpan tungod sa kasong carnapping

0

Central Mindanao Newswatch - local newspaper

Share this post?

Nadakpan sa kapulisan ang ikatulo sa mga most wanted person sa provincial level sa Bukidnon
atol sa operasyon sa Zone 3, Barangay Lunocan, Manolo Fortich, niadtong Nobyembre 11.

Giila sa kapulisan ang dinakpan nga si Alvin Ochate Pagar, 27 anyos, minyo ug residente sa
Zone 13, Barangay Damilag, Manolo Fortich.
Gipahigayon ang operasyon alas-9:15 sa buntag sa mga personahe sa Manolo Fortich Municipal
Police Station (MFMPS) ug 1st Provincial Mobile Force Company, inubanan sa Provincial
Intelligence Unit sa Bukidnon Police Provincial Office (BPPO).
Matud sa kapulisan, nadakpan si Pagar pinaagi sa warrant of arrest nga giisyu niadtong
Nobyembre 4, 2026, tungod sa giingong paglapas sa Republic Act 10883 o New Anti-
Carnapping Act of 2016, nga adunay girekomendar nga piyansa nga P300,000.
Gikustodiya siya karon sa Manolo Fortich MPS alang sa dokumentasyon ug hustong disposisyon
sa iyang kaso.
Gidayeg ni Bukidnon Police Provincial Director Col. Oliver S. Navales ang mga personahe nga
mipahigayon sa operasyon ug giawhag ang publiko nga magpadayon sa pagpakigtambayayong
sa kapulisan aron mapadayon ang kalinaw ug kaluwasan sa probinsya.
Matud pa niya, importante ang kooperasyon ug suporta sa komunidad aron mahimong luwas nga
puy-anan ug lugar sa panginabuhian ang Bukidnon. (melbmadera)

Related Post

Patay ang isa ka 45-anyos nga lalaki human dunggaba og makadaghang higayon sa likod sa isaka 33-anyos nga lalaki sa Purok 2, Sitio Patpat, Barangay Salimbalan, Baungon, Bukidnon, alas5:30 sa buntag niadtong Oktubre 30, 2026. Sumala sa inisyal nga imbestigasyon sa Baungon Municipal Police Station (MPS), naghulat nakuno ang suspek sa daplin sa karsada dihang...
Nadakpan sa kapulisan ang ikatulo sa mga most wanted person sa provincial level sa Bukidnonatol sa operasyon sa Zone 3, Barangay Lunocan, Manolo Fortich, niadtong Nobyembre 11. Giila sa kapulisan ang dinakpan nga si Alvin Ochate Pagar, 27 anyos, minyo ug residente saZone 13, Barangay Damilag, Manolo Fortich.Gipahigayon ang operasyon alas-9:15 sa buntag sa mga...
Patay ang 53-anyos nga drayber sa motorsiklo human mabanggaan sa isa ka Toyota Hilux pick-up sa National Highway, Purok 1, Camp 1, Maramag, Bukidnon, alas-4:20 sa hapon niadtongNobyembre 4, 2026. Base sa imbestigasyon sa Maramag Municipal Police Station (MMPS), padulong sa Don Carlosang pick-up nga gimaneho sa 28-anyos nga lalaki dihang kalit nga mitabok sa...