Panid Bisaya
0

Share this post?
Nadakpan sa kapulisan ang ikaduhang most wanted person sa provincial level sa Bukidnon
tungod sa mga kasong qualified rape, qualified sexual assault ug acts of lasciviousness atol sa
operasyon sa Zone 3, Barangay Lunocan, Manolo Fortich, niadtong Nobyembre 5.
Sa report ni Police Lt. Col. Edward T. Agpalza, chief of police sa Manolo Fortich Municipal
Police station (MFMPS), giila ang dinakpan nga si Elder Dave Mensedor Purisima, 38 anyos,
minyo ug residente sa maong barangay.
Gipahigayon ang operasyon alas-11:00 sa gabii sa mga personahe sa Manolo Fortich MPS ug 1st
Provincial Mobile Force Company, inubanan sa Provincial Intelligence Unit sa Bukidnon Police
Provincial Office (BPPO).
Matud sa kapulisan, nadakpan si Purisima pinaagi sa warrant of arrest nga giisyu niadtong
Oktubre 26, 2026, alang sa unom ka counts sa qualified rape, upat ka counts sa qualified sexual
assault ug unom ka counts sa acts of lasciviousness.
Walay girekomendar nga piyansa alang sa unom ka counts sa qualified rape, samtang ₱480,000
ang girekomendar nga piyansa alang sa upat ka counts sa qualified sexual assault ug ₱648,000
alang sa unom ka counts sa acts of lasciviousness.
Gikustodiya na siya karon sa Manolo Fortich MPS alang sa dokumentasyon ug hustong
disposisyon sa iyang mga kaso. (melbmadera)
Latest Article