Panid Bisaya
0

Share this post?
Patay ang isa ka 37-anyos nga empleyado sa Municipal Government of Quezon human pusila sa
wala mailhing suspek samtang nagpauli gikan sa trabaho sa Purok 4, Barangay Libertad,
Quezon, Bukidnon, alas-2:30 sa kaadlawon niadtong Nobyembre 6.
Base sa inisyal nga imbestigasyon sa Quezon Municipal Police Station (MPS), bag-o lang
nahuman sa iyang duty ang biktima ug nagmaneho sa iyang itom nga Yamaha XTZ nga
motorsiklo paingon sa ilang pinuy-anan dihang gisundan kini sa wala mailhing mga tawo nga
sakay sab og motorsiklo.
Sa dihang nakaabot sa dalan paingon sa iyang balay, duol sa isa ka plantasyon sa tubo,
gipahunong kini sa mga suspek ug gipusil kausa sa may liog. Nadungog sa mga residente ang
pagpamusil ug nakita ang biktima nga nagbuy-od sa dalan human mipahawa ang mga
suspetsado.
Gidala ang biktima sa Quezon Health Center Infirmary pinaagi sa LGU Quezon Rescue, apan
gideklarar kining dead on arrival sa attending physician.
Narekober sa kapulisan sa crime scene ang duha ka buhing bala, isa ka slug ug isa ka basiyo sa
bala nga gituohang gikan sa kalibre .45 nga armas.
Gilunsad dayon sa Quezon MPS ang hot pursuit operation ug gipalihok ang OPLAN SHIELD ug
CONTAINMENT RING aron masubay ug madakpan ang mga responsable sa krimen.
Padayon ang imbestigasyon ug follow-up operations sa kapulisan aron mailhan ang mga suspek
ug matino ang motibo sa pagpamusil, subay sa direktiba ni Bukidnon Police Provincial Director
Police Col. Oliver S. Navales. (melbmadera)
Latest Article