Panid Bisaya
0

Share this post?
Patay ang isa ka 45-anyos nga lalaki human dunggaba og makadaghang higayon sa likod sa isa
ka 33-anyos nga lalaki sa Purok 2, Sitio Patpat, Barangay Salimbalan, Baungon, Bukidnon, alas
5:30 sa buntag niadtong Oktubre 30, 2026.
Sumala sa inisyal nga imbestigasyon sa Baungon Municipal Police Station (MPS), naghulat na
kuno ang suspek sa daplin sa karsada dihang miagi ang biktima, sa wala pa kini kalit nga
dunggaba gamit ang kutsilyo sa kusina.
Gidala dayon ang biktima sa Baungon Municipal Health Office, apan gideklarang dead on arrival
sa attending physician.
Nadakpan sa mga sakop sa Baungon MPS ang suspek human sa insidente ug gidala sa estasyon
sa kapulisan alang sa tukmang disposisyon.
Gituohang personal nga kasuko ang motibo sa krimen, base sa inisyal nga imbestigasyon.
Samtang, gimandoan ni Bukidnon Police Provincial Office Director Police Col. Oliver S.
Navales ang Baungon MPS nga ipadayon ang hingpit nga imbestigasyon sa maong insidente.
(melbmadera)
Latest Article