Monday, February 24, 2025

Author: Diego M. Hidalgo

SLP check gi-turnover sa Malaybalay

Posted on by Diego M. Hidalgo

Ang DSWD Region X nagpahigayun og Sustainable Livelihood Program (SLP) Check Turnover sa dakbayan sa Malaybalay

Sumala sa pahibalo nga nakuha sa facebook page ni Mayor Jay Warren Pabillaran, ang pag turnover nahigayon sa City Mayor’s Office niadtong Hulyo 11, 2023.

Giturnover ang cheke ngadto sa Rise Managok SLPA 30 members nga nakadawat og Php450, 000.00; Tigbawan Corn Growers ED70 SLPA – Php300, 000.00; ug Arcelie Pechora – Livelihood Assistance (Environmental Heroes – KIA ) – Php105, 000.00. (Diego M. Hidalgo)

Pagpalambo sa ICT sa Bukidnon, gitutukan

Posted on by Diego M. Hidalgo

Gitutukan sa Provincial Government of Bukidnon (PGB), ang pagpalambo sa Information and Communications Technology (ICT) sa probinsya pinaagi sa gipahigayon nga panagtigum sa nagkalain-laing hingtungdang opisina ug ahensya

Base sa pahibalo sa Provincial Government of Bukidnon, ang maong panagtigum gipahigayon niadtong Hulyo 6-7, 2023 sa Kaamulan Open Theater ug Veranda, Malaybalay City, Bukidnon.

Gilantaw nga pinaagi sa nagkadaiyang suhestiyon, ideya, ug feedback gikan sa mga stakeholders, makamugna ug malungtarong plano ug mga polisiya aron mapausbaw ang paghatud ug serbisyo sa publiko, pinaagi sa paggamit ug mga digital technologies.

Ang gihisgutan sa maong panagtigum mao ang Bukidnon Local Government Digital Transformation Focus Group Discussion for Digitalization, Bukidnon ICT Industry and Digital Economy Consultative Meeting, A Province-Wide Consultation with 22 LGUs ug Bukidnon ICT Council Consultative Assembly. (Diego M. Hidalgo)

2nd batch sa BLS training sa Bukidnon, nagmalampuson

Posted on by Diego M. Hidalgo

Nagmalampuson nga napahigayon ang ika-duhang hugna sa lima ka adlaw nga Basic Life Support (BLS) and Standard First Aid Training sa Bukidnon

Sumala sa pahibalo sa Provincial Government of Bukidnon, gipahigayon ang maong training niadtong Hulyo 3-7, 2023 sa Loizas Pavilion, Casisang, Malaybalay City, Bukidnon.

Gi-partisiparan kini sa 35 ka mga Pag-asa Youth Association of the Philippines (PYAP) Focal Person, Federation Presidents ug mga miyembro niini gikan sa onse (11) ka mga LGUs nga mao ang lungsod sa Kitaotao, Manolo Fortich, Talakag, Damulog, Impasug-ong, Kadingilan, Sumilao, Kalilangan, Baungon, Libona ug syudad sa Malaybalay.

Mahinumduman nga ang unang hugna sa training gipahigayon niadtong Hunyo 26-30, 2023 alang sa nauna nga onse (11) ka mga LGUs. (Diego M. Hidalgo)

Community pantry gibuksan alang sa mga biktima sa

Posted on by Diego M. Hidalgo

Si Bukidnon 2nd District Rep. Jonathan Keith Flores, bag-o lang naglusad og community pantry para sa mga residente nga apektado sa baha sa Barangay Managok

Base sa report sa Inquirer.net , giablihan ang maong pantry pinaagi sa pinansyal nga tabang nga gihatag ni Speaker Ferdinand Martin Romualdez ug Tingog Party-list Representatives Yedda Marie Romualdez, ug Jude

Acidre.

Matud ni Flores nga libre ang mga itlog, utanon, ug bugas nga gipang-apod-apod sa mga residente sa maong barangay atol sa paglusad.

Siya namahayag nga ang community pantry gisugdan niadtong Hulyo 8, 2023.

Dugang niya nga ang Managok mao ang barangay nga grabeng naigo panahon sa baha. (Diego M. Hidalgo)

Evacuation Center giturn-over ngadto sa Valencia

Posted on by Diego M. Hidalgo

Pormal nga giturnober sa Department of Public Works and Highways (DPWH) Region 10 ngadto sa lokal nga pangagamhanan sa Valencia City ang Evacuation Center nga nahimotang sa Hindangon, Barangay Poblacion

Ang maong pasilidad giturn-over niadtong Hulyo, 3, 2023. Base kin isa pahibalo sa City Government of Valencia.

Nagkantidad kini og sumatotal P33,659,683.49.

Ubos kini sa National Disaster Risk Reduction and Management Fund (NDRRMF).

Usa sa mga dakong kalamposan sa lokal nga pangagamhanan sa pagpanguna ni Mayor Azucena Huervas ang maong proyekto diin personal niya nga gipasalamatan ang OCD-10 ug DPWH-10 sa pagkompleto niini. (Diego M. Hidalgo)

47 former Rebels sa Bukidnon nakadawat og package assistance

Posted on by Diego M. Hidalgo

Adunay 47 former rebels nga naggikan sa Bukidnon ang nakadawat og package assistance gikan sa Department of the Interior and Local Government (DILG)

Base sa pahibalo sa Provincial Government of Bukidnon, gitugyan kini kanila ubos sa Enhanced Comprehensive Local Integration Program (E-CLIP).

Gilangkuban kini sa Immediate Assistance nga nagkantidad og P510,000.00, Livelihood Assistance nga P1,100,000.00, ug Firearms Remuneration nga P314,400.00.

Ang tibuok nga mga tabang mikabat sa P1,924,400.00.

Gitugyan kini ngadto sa former rebels niadtong Hulyo 4, 2023, sa 403rd Brigade Covered Court, Impalambong, ning dakbayan. (Diego M. Hidalgo)

4th volume sa librong “Seeds of a Golden Harvest” gilunsad sa Valencia

Posted on by Diego M. Hidalgo

Opisyal nga gilunsad sa Lokal nga Pangagamhanan sa Dakbayan sa Valencia ang ika-upat nga volume sa libro nga mao ang “Seeds of a Golden Harvest”

Ang libro gilunsad niadtong Hunyo 27, 2023 sa CMO Conference Room.
Ang maong coffee table book naglangkob sa mga mahinungdanong binuhatan sa lokal nga pangagamhanan ubos sa liderato ni Mayor Azucena Huervas alang sa tuig 2022.
Patugbaw usab sa libro ang mga storya sa kalamposan ug kalamboan nga magahatag og inspirasyon ug dugang dungog sa katawhang Valenciano ingon man ang pagpausbaw sa maanindot nga mga lugar sa dakbayan.
Nasayran nga nalunsad ang unang volume sa libro niadtong tuig 2019.
Padayon kini nga gihimo aron mapalig-on ang pagpahibalo sa katawhan sa mga kalamboan nga nahitabo sa dakbayan nga kini usab magamit hangtod sunod henerasyon.
Ang libro mahimo usab nga available sa digital format nga imantala sa opisyal nga website sa LGU Valencia City. (Diego M. Hidalgo)

DA NorMin mihatag og biological control agent sa LGU Kitaotao

Posted on by Diego M. Hidalgo

Ang munisipyo sa Kitaotao, Bukidnon bag-o lang naka-avail sa nagkalain-laing biological control agents (BCAs) gikan sa Department of Agriculture-Regional Field Office 10 pinaagi sa Regional Crop Protection Center (RCPC) niini

Ang Department of Agriculture X nipahibalo nga ang mga BCA makatabang sa pagdumala sa pagpugong sa mga peste ug sakit nga dili makompromiso ang kahimsog sa kinaiyahan ug tawo.
Adunay 20 ka pakete sa Trichoderma harzianum, 800 pcs adult earwig, 1,900 ka itlog nga green lacewing, ug 400 ka baraha sa Trichogramma evanescens ang gitunol nga gamiton sa nagkalain-laing training ug field schools.
Ang maong mga biological control agents gamiton sa mga nagkalain-laing training ug field schools.
Pagagamiton kini sa Training of Trainers (TOT) sa produksyon sa kape; Season-long Farmers Field School (FFS) sa produksyon sa mais; Farmer Scientist Training Program (FSTP)- Phase III sa corn-based farming system, ug; Farmer Scientist Training Program (FSTP)- Phase III sa corn-based farming system. (Diego M. Hidalgo)

Inahan, gidunggab sa iyang anak sa Malitbog

Posted on by Diego M. Hidalgo

Isa ka inahan sa Sitio Mabuhay, San Luis, Malitbog, Bukidnon ang gidunggab sa iyang kaugalingong anak niadtong Hunyo 23, 2023

Ang biktima giila nga si Yolanda Laurente Lahimay, 43, balo.
Samtang ang suspek giila nga si Jemboy, Laurente Lahimay, 25, ulitawo.
Sumala sa taho nga nahipos sa Malitbog Municipal Police Station, gikompronta sa biktima ang iyang anak, kinsa anaa ubos sa sa impluwensya sa ilimnong makahubog.
Apan, matud pa, nga ang suspek nasuko.
Human niini, nikuha og sanggot ang suspek ug gitigbas ang biktima nga naigo sa iyang apapangig ug duha ka kamot.
Swerteng nakadagan ang biktima ug nakapangayo og tabang sa ilang silingan ug dali nga nadala sa Rural Health Unit, Poblacion, Malitbog Bukidnon alang sa pagtambal.
Ang kapolisan sa Malitbog nipahigayon og hot pursuit operation ug malampuson nga nasikop ang suspek kinsa anaa na karon sa kustodiya sa kapolisan sa munisipyo. (Diego M. Hidalgo)

PYAP mupahigayon og fun run karong Hulyo

Posted on by Diego M. Hidalgo

Ang Pag-asa Youth Association of the Philippines (PYAP) – Malaybalay City Chapter nisulti nga magpahigayon sila og fun run sunod bulan

Ang PYAP Malaybalay mipahibalo nga ang fun run ipahigayon karong Hulyo 1, 2023.
Ang PYAP FUN RUN isa ka fundraising campaign ug bukas kini alang sa tanang edad.
Ipahigayon kini isip suporta sa Outreach Program alang sa IP Children Project sa PYAP Malaybalay sa ika duhang tuig niini.
Ang kita sa maong kalihokan maoy mosuporta sa isa sa mga proyekto sa PYAP Malaybalay Federation nga isa ka 3-Year Outreach Program for IP Children diin ang mga school supplies, health kits, tsinelas ug used clothes gihatag isip pagsaulog sa PYAP founding anniversary atol sa bulan sa Hulyo. (Diego M. Hidalgo)