Central Mindanao Newswatch – local newspaper
Ang bed capacity sa Bukidnon Provincial Hospital sa Manolo Fortich ang pagauswagan gikan sa 24 ngadto sa 60.
Pinaagi sa isa ka resolusyon, giuyonan sa Sangguniang Panlalawigan (SP) sa Bukidnon niadtong Enero 28 ang sulat hangyo ni Gobernador Jose Ma. R. Zubiri Jr. kabahin sa maong katuyoan.
Ang resolusyon gikinahanglan alang sa aplikasyon sa maong hospital ngadto sa Department of Health aron pauswagan ang bed capacity niini.
Tumong niini nga matubag ang panginahanglan sa pagpataas sa occupancy rate matag tuig sa maong hospital.
Ang Provincial Government sa Bukidnon mipasalig nga muhatag sa dugang empleyado, dugang medical equipment ug mga suplay alang sa operation ug maintenance sa hospital. (Mel B. Madera)
