Nakaandam ang Provincial Government of Bukidnon sa pag-deploy sa Bukidnon Response Emergency Team kon BRET-Search and Rescue

Sumala sa Facebook post sa LGU Bukidnon, nunot kini sa pagpadayag ni Governor Rogelio Neil Roque sa hinanaling kaandam nga maka-augment sa kasamtangang paningkamot sa probinsya sa Cebu.

Kalabot kini sa nahitabong 6.9-magnitude nga linog sa Bogo City gabii sa Setyembre 30, 2025, nga nagresulta sa halapad nga grabing kadaot sa pampublikong imprastraktura, mga pribadong kabtangan, ug mikalas sa daghang kinabuhi.

Ang specialized disaster response contingent sa Bukidnon naglakip sa 12 specialized personnel nga trained ug well-equipped sa search and rescue, ug ang response vehicle nga fully equipped usab sa collapse structure equipment – sama sa hydraulic tools, life detector, ground-penetrating radar, ug uban pa.

Gipaabot na lang ang response ug coordination sa OCD Region 10 alang sa deployment orders. (melbmadera)