Nakatala na ang Provincial Government of Bukidnon og 51 ka mga centenarians ubos sa Provincial Centenarian Cash Incentive Program

Sumala sa kasayoran sa LGU Bukidnon, gibase kini sa datos gikan sa Provincial Social Welfare
and Development Office (PSWDO) as of May 21, 2026.
Gibutyag ni Ms. Ellen Salumintao, Department Head sa PSWDO, nga sa 51 ka centenarians, 35
niini ang buhi pa karon, diin ang pinaka-tigulang adunay edad nga 106 anyos.
Gipatuman ang maong programa niadtong 2024, diin 31 ka centenarians ang natala ug 19 niini
ang buhi pa niadtong higayona. Sa maong tuig usab, natala ang pinaka-tigulang nga miabot sa
110 anyos, apan kini mitaliwan na.
Sa tuig 2025, miabot sa 16 ka centenarians ang natala ug 12 niini ang buhi pa, samtang sa tuig
2026, upat pa lamang ang natala ug gilauman pang mosaka ang ihap sa mosunod nga mga bulan.
Pinasikad sa Provincial Ordinance No. 2022-010R (27th SP), gipasidunggan ug gipasalamatan sa
provincial government, pinaagi ni Governor Rogelio Neil Oneil Roque, ang mga residente nga
nakaabot sa 100 anyos pataas pinaagi sa paghatag og ₱50,000 cash incentive, food packs, ug
uban pang pahalipay matag tuig nga madangatan nila ang ilang kaadlawon. (melbmadera)