Nahimong kampeon ang Cluster 5 sa Street Dancing ug Ground Presentation sa ika-25 nga Charter Day celebration sa Valencia City, Bukidnon, nga gipahigayon niadtong Enero 12, 2026

Ang Cluster 5 gilangkuban sa Barangay Pinatilan, Maapag, Catumbalon, Mabuhay, ug Dagat Ki Davao.

Nakab-ot sa Cluster 1, nga gilangkuban sa Barangay Poblacion, Lourdes, Barobo, Guinuyuran, ug Tugaya, ang ikaduhang dapit sa Street Dancing; samtang ikatulo ang Cluster 4 nga gilangkuban sa Barangay Batangan, Kahaponan, Vintar, Sinabuagan, Lumbayao, ug San Isidro.

Sa Ground Presentation, ikaduhang dapit ang Cluster 4, samtang ikatulo ang Cluster 6 nga gilangkuban sa Barangay Tongan-tongan, Laligan, Concepcion, Siniyawan, ug Banlag. Ang Cluster 4 usab ang nakuha sa mga pasidungog nga Best in Costume ug Festival Queen.

Ang kampeon nakadawat og ₱70,000.00, samtang ₱50,000.00 ug ₱40,000.00 ang gihatag sa ikaduha ug ikatulong dapit. Nikabat sa ₱25,000.00 usab ang consolation prize, samtang ang tanang clusters nakadawat og ₱20,000.00 nga insentibo gikan kang Mayor Azucena “Amie” Galario ug Vice Mayor Cecil Galario-Fernandez.

Sa iyang mensahe, gipaabot ni Mayor Galario ang dakong pasalamat sa tanang lider ug Valencianos nga nagtinabangay aron mapadayon ang kalampusan sa dakbayan. (melbmadera)