Gilantaw ni Provincial Governor Rogelio Neil Oneil Roque nga magdala og dakong kabag-ohan sa katawhan sa Munisipyo sa Cabanglasan, Bukidnon ang concreting sa Capinonan–Mauswagon–Freedom Farm-to-Market Road

Napadangat kini sa Gobernador atol sa pormal nga pagtunol sa No Objection Letter 1 niini nga sub-project sa Department of Agriculture – Philippine Rural Development Project (DA-PRDP) Scale-Up kaniadtong Oktubre 13, 2025, sa Office of the Secretary, Conference Hall sa Department of Agriculture, Elliptical Road, Diliman, Quezon City.

Sumala sa Facebook post sa LGU Bukidnon, sa pagkumpleto sa mga kinahanglanong dokumento, ang maong proyekto pagapondohan og P263,084,000.00 sa DA-PRDP.

Kauban ni Governor Roque sa pagdawat sa NOL 1 gikan kang DA-Usec for Operations Engr. Roger Navarro si Cabanglasan Municipal Mayor Bernie C. Castillanes ug mga hepe sa Provincial Planning and Development Office (PPDO) ug Provincial Agriculture Office (PAgrO).(melbmadera)