Panid Bisaya
Hardware sa Maramag gilungkab
0
Share this post?
Gilungkab sa kanhi empleyado ang isa ka Hardware and Construction supply sa Purok 2, Dologon, Maramag, Bukidnon sayong buntag sa Nobyembre 20
Sumala sa report sa kapolisan, pasado alas 6:12 ang takna sa buntag sa dihang nadiskubri sa tag- iiyaang hitabo.
Nasuta sa report ni Police Major Erwin R. Naelga, OIC sa Maramag Municipal Police Station nga mikabat sa P150,000.00 ang kantidad sa cash nga nakuha sa suspek.
Human ma-review ang CCTV footage sa hardware, nasuta nga pasado alas 3:15 sa buntag nisulod ang suspek ug gilimas ang gitago nga sapi sa establistamento.
Nasayran sab nga ang suspek isa ka hingkod nga lalaki kinsa kanhi empleyado sa maong hardware ug residente sa Purok 6, Dologon, Maramag, Bukidnon. Sa pagkutlo ning balita, gihikay na sa kapolisan sa Maramag ang mga dokumento alang sa case build-up kabahin sa hitabo. (melbmadera)
Latest Article
Related Post
Sa matag konsultasyon, eksaminasyon ug pag-atiman, padayon nga gipaduol sa City HealthOffice (CHO) sa Malaybalay City, Bukidnon ang serbisyo panglawas ngadto sa katawhan pinaagi sa Enhanced Screening Area (ESA) sa Barangay 4 Covered Court. Kauban ang mga personnel sa PhilHealth, naghatag ang CHO og accessible ug dekalidad ngaserbisyo atol sa Agosto 2026, nga nagpakita sa...
Nasakmit sa kapolisan ang gibanabanang P103,006 nga kantidad sa gituohang shabu ug nadakopang giingong street-level drug dealer atol sa buy-bust operation sa Malaybalay City sayongkabuntagon niadtong Septiyembre 6, 2026. Gipahigayon ang operasyon sa mga operatiba sa Drug Enforcement Unit sa Malaybalay CityPolice Station, kauban ang 1st Provincial Mobile Force Company ug Provincial IntelligenceUnit, sa Purok...
Gitigbas ang isa ka lalaki human mibalibad nga ilisan ang abono nga iyang gihulaman didto saBarangay Santa Felomina, Quezon, Bukidnon. Sa inisyal nga imbestigasyon sa kapolisan, nasayran nga ang suspek, 25-anyos nga lalaki nakig-inom sa mga pag-umangkon sa biktima nga 44-anyos nga lalaki.Sa dihang milabay ang biktima sa waiting shed diin dunay inom, giduolan siya...