Sa tinguha nga mapanalipdan ang kaayohan sa katawhan ug mapadayon ang patas nga pamatigayon, padayon nga gipakusog sa Department of Trade and Industry – Bukidnon ang regular nga pagmonitor sa suplay ug presyo sa mga Basic Necessities and Prime Commodities (BNPC) sa tibuok probinsya

Lakip sa ilang gibantayan ang presyo sa hardware ug construction supplies sa nagkalain-laing
retail establishments aron masiguro nga makatarunganon ug husto ang baligya sa merkado.
Kabahin usab sa maong kalihokan ang pagpanghatag og mga flyer sa Updated BNPC Suggested
Retail Prices sugod niadtong Mayo 11, 2026, isip paagi sa pagpalig-on sa kahibalo sa mga
konsumidor ug paggiya sa mga negosyante sa pagsunod sa patas nga presyo.
Kini nga lakang gitumong aron matabangan ang publiko taliwala sa nagpadayon nga krisis sa
enerhiya nga nakaapekto sa presyo sa mga produkto ug sa supply chain sa merkado.
Pinaagi niini nga inisyatibo, gipadayag sa DTI Bukidnon ang ilang malungtarong pasalig sa
transparency sa presyo, patas nga pamaagi sa pamatigayon, ug lig-on nga pagpanalipod sa mga
konsumidor.
Nagtinguha usab ang departamento nga masiguro nga ang mga batakang panginahanglanon
magpabiling anaa, makaya sa bulsa sa katawhan, ug sayon nga maabot sa publiko.
Sa padayon nga pagmonitor ug pagpakaylap sa hustong impormasyon, nagbarug nga matinudanon ang DTI Bukidnon sa pag-alagad sa interes sa mga konsumidor ug sa pagpalig-on sa
responsableng operasyon sa negosyo sulod sa komunidad. (melbmadera)