Tuesday, March 05, 2024

Panid Bisaya

Kahanas ug kaalam napakita sa Kaamulan Motocross Competition

0

Central Mindanao Newswatch - local newspaper

Share this post?

Napakita sa nagkadaiyang mga riders gikan sa Luzon, Visayas ug Mindaanao ang ilang kahanas ug kaalam sa pag-atubang sa aktwal nga hagit sa gipahigayon nga Kaamulan Motocross Competition, niadtong Abril 16, 2023 sa Granstand, Malaybalay City, Bukidnon

Sa wala pa ang indigay, gipahigayon ang pagbansay aron masinati ang mga tamdanan sa lumba sa motorsiklo diha sa natural terrain ug manmade obstacles ayha pormal nga gisugdan pinaagi sa pag-ampo dungan sa tribute motocross ride nga gipahinungod alag sa mga kanhi kauban sa maong hilig nga mitaliwan na.

Gidula ang usa sa mga dakong events sa Kaamulan 2023 subay niining mosunod nga race sequence: 1. Underbone 2 Valve diin 1st placer si Mr. Tecson, 2nd placer si Mr. Degoma ug 3rd placer si Bagayna; 2. PW 50 migulang mananaug si Malig, 2nd si Epanag, ug 3rd si Lambirang; 3. Novice Open: 1st placer – Bebillo, 2nd si Planas, ug 3rd si Demata; 4. Newbie: 1st placer si Martinez, 2nd si Salahag, ug 3rd si Lunday; 5. 65 CC: 1st placer si Fabian, 2nd si Escobillo, ug 3rd si Paco; 6. Executive 45 UP: 1st placer si Catipay, 2nd si Amoroso, ug 3rd si Bayawa; 7. 50 CC: 1st placer si Fabian, 2nd si Abesta, ug 3rd si Agmanong; 8. Expert Open: 1st placer si Napat, 2nd si Penda, ug 3rd si Ramento; 9. Ladies: 1st placer si Kakay, 2nd si Nina, ug 3rd si Sofia; 10. Underbone 4 Valve: 1st placer si Baricuatro, 2nd si Tecson, ug 3rd si Barba; 11. Novice Lites: 1st placer si Lacro, 2nd si Planas, ug 3rd si Elnar; 12. Pro Veterans: 1st placer si Naparan, 2nd si Saolog, ug 3rd si Catipay; 13. Power Enduro: 1st placer si Abarabar, 2nd si Chong, ug 3rd si Sulinay; 14. Inter Open: 1st placer si Nuneza, 2nd si Dablo, ug 3rd si Bandigan; 15. 85 CC: 1st placer si Epanag, 2nd si Rerep, ug 3rd si Bonhayag; 16. Kawasaki Exclusive “200 CC below”; 1st placer si Cinco, 2nd ang rider #22, ug 3rd si rider #6; ug 17. Pro Open: 1st placer si Napat, 2nd si Ramento, ug 3rd si Bandigan.

Hugyaw ug singgit sa manan-away ang nakapasadya sa maong kulbahinam nga dula, kung aha makita usab ang Standby units sa Bureau of Fire Protection ingon man ang rescue vehicles ug uban sa mga personahe niini aron diha-diha mahatagan sa panabang ang mga riders sa panahon sa emerhensya.

Hinoun, gisiguro sa mga nagdumala sa maong kalihukan nga kumpleto sa labing hinungdanon nga mga gamit pang-proteksyon ang mga riders sama sa helmet, botas, goggles, MX kit, pads sa tuhod ug siko lakip ang braces, proteksyon sa dughan, lawas ug liog, ingon man ang chest protector o body armor, ilabi na nga gibunok ang makusog nga ulan pag-abot sa hapon. (LGU Bukidnon)

Related Post

Isa ka babayeng wanted ang nasikop sa mga miyembro sa Kadingilan Municipal Police Station (KMPS) gumikan sa daghang mga kaso Sumala sa report sa Kadingilan MPS, ang sinikop nailang si Jenevie Geniston Coritico, dalaga, 37 anyos. Nasikop siya pinasubay sa outstanding warrant of arrest didto sa nagkadaiyang mga kaso sa Purok 2, Rizal Street, Brgy....
Gitugyan na kaniadtong Enero, 25, 2024 ang concrete pavement project sa City Government of Malaybalay sa Brgy. Imbayao Sumala sa kasayoran, ang proyekto ng adunay kalayoon nga 2.2 kilometros ang kantidad nga P49,898,854.46. Ang pondo sa proyekto gikan sa 20 percent sa General Fund sa Fiscal Year 2022. Ang contarctor sa proyekto mao ang Jorvivs...
Gitulis sa duha ka mga lalaki ang RTMI bus didto sa Sitio Pamulaan, Purok 10, Brgy. Sinuda, Kitaotao, Bukidnon pasado alas 11:40 sa gabii niadtong Enero 29, 2024 Sumala sa report ni Police Captain Christopher P. Tuzara, OIC sa Kitaotao Municipal Police Station (KMPS), ang mga wala mailang lalaking suspek nakasol-ob og red hooded ug...