Ang Kagamhanang Lokal sa Munisipyo sa Manolo Fortich nagpatuman og site inspection sa Kilawaan River sa Sitio Abyawan sa Santiago-Dalirig, Manolo Fortich

Sumala sa kasayoran sa Lokal nga Kagamhanan, tumong sa site inspection ang pagsusi sa potensyal sa suba nga mahimong opisyal nga tourist area.\

Lakip sab nga gisusi sa inspecting team ang posibleng risgo nga masinati sa mga mobisita niini ug ang pagmintinar sa kinaiyahan.

Ang site inspection gilangkuban og lima ka buhatan nga mao ang Municipal Tourism Office, Local Disaster Risk Reduction and Management Office (LDRRMO), Municipal Planning and Development Office (MPDO), Municipal Environment and Natural Resources Office (MENRO), Municipal Engineering Office (MEO), ug Municipal Information Office (MIO).

Uban usab sa team ang mga opisyales sa Barangay Dalirig sa pagpanguna ni Dalirig Tourism Champ Kag. El Meleza Leparto. (melbmadera)