Tuesday, June 18, 2024

Panid Bisaya

Laborer gidunggab sa kainom, patay

0

Central Mindanao Newswatch - local newspaper

Share this post?

Isa ka laborer ang gidunggab sa iyang kainom sa Purok-8, Brgy. Calaocalao, Don Carlos, Bukidnon niadtong Agosto 17, 2023

Ang biktima giila nga si Andy Enora y Lindongan, 52, balo, ug residente sa maong dapit.

Samtang ang suspek giila sab nga si Joselito Retazo y Loria, hingkod, ulitawo, ug residente sab sa maong dapit.

Gitaho nga nag-inom ang biktima ug ang suspek sa dihang nagkalalis kini hinungdan nga gidunggab sa suspek ang biktima sa makadaghang higayon gamit ang hunting knife.

Ang biktima naka angkon sa 11 ka samad dingunggaban ug siya dali-daling gidala sa Bukidnon Provincial Hospital, sa Maramag, Bukidnon apan gideklara nga dead on arrival.

Si Police Maj. Cipriano V. Bazar Jr., OIC sa Don Carlos Municipal Police Station nitaho nga ang suspek uban sa hinagiban nga gigamit gidala na sa kustodiya sa kapolisan alang sa hustong disposasyon. (MG Mayumi B. Madera)

Related Post

Mikabat sa 711 ka mga benepisaryo sa Tulong Panghanapbuhay sa Ating Disadvantaged (TUPAD) program gikan sa tulo ka munisipyo sa habagatang bahin sa Bukidnon ang nakadawat na sa ilang suweldo Gikumpirma kini sa Department of Labor and Employment (DOLE-X) Bukidnon Provincial Field Office (BukPFO) pinaagi sa ilang social media post. Ang Tupad payout gipahigayon kaniadtong...
Niadtong Mayo 22, 2024, ang Corn Production Livelihood Project nga nagkantidad og PhP 500,000.00 pormal nga giturn-over sa Silae Corn Growers Association (CGA) Ang proyekto nga gitunol gikan sa National Economic Development Authority (NEDA-10). Ang dakbayan sa Malaybalay giila sa NEDA-10 nga isa sa mga Local Government Unit (LGU) nga maka-avail sa ER 1-94 Funds...
Ang Department of Agriculture – Regional Field Office 10 (DA-RFO 10) mitugyan sa P5.2-million bio-secured ug climate-controlled swine production facility ngadto sa Sinuda Multi-Indigenous Sectoral Farmers and Workers Association (SIMUSOFAWA) niadtong Mayo 23, 2024 sa Kitaotao, Bukidnon Sumala sa kasyoran gikan sa DA-RFO 10, tumong niini aron ma-moderno ug mapausbaw ang kapasidad sa lokal nga...