Gideklarar nga patay na sa wala pa mahiabot sa ospital ang usa ka empleyado sa Local Government Unit sa Malaybalay human siya gipusil sa Sitio Dumayas, Barangay Maligaya, pasado alas 8:20 sa buntag niadtong Marso 27, 2026

Matod sa police report, ang biktima, usa ka 52-anyos, minyo, ug residente sa Purok 5, Barangay Maligaya, nakadawat og samad pinusilan sa wala nga likod sa hawak.

Nasayran nga ang hingkod nga suspek, kinsa nilayas human sa krimen, residente sab sa maong barangay.

Base sa inisyal nga imbestigasyon, nakit-an sa mga saksi ang biktima nga nagmaneho sa iyang motorsiklo sa kalsada sa dihang ang suspek, nga nag-atang daplin sa dalan, nipusil kaniya kaduha gamit ang pistola.

Nakapanaug ang biktima ug nakadagan, apan gihukod siya sa suspek. Pagkahuman nga natumba ang biktima, wala na mopadayon ang suspek sa pagpusil bisan pa sa iyang kaakig.

Nasayran sab nga ang duha adunay kasaysayan sa panagbangi kanhi bahin sa yuta. (melbmadera)