Kaniadtong Nobyembre 17, 2025, gipahigayon ang 3rd Batch sa Localized Deradicalization Program sa mga kanhi miyembro sa rebeldeng New People’s Army (NPA)

Sumala sa press release sa Bukidnon Police Provincial Office (BPPO), si Police Major Jessie James M. Lasdoce, hepe sa provincial community affairs unit, ang nitambong sa kalihokan sa ngalan ni Police Col. Oliver S. Navales, officer in-charge sa BPPO.

Ang launching sa kalihokan gipahigayon sa Balay Ta Kalinaw, facility nga nahimutang sa Brgy. Poblacion, Impasugong, Bukidnon.

Ang kalihokan naglakip sa hiniusang paningkamot sa Provincial Government sa Bukidnon, Enhanced Comprehensive Local Integration Program (E-CLIP) Focal Person, Provincial Social Welfare and Development Office (PSWDO), Department of the Interior and Local Government (DILG) Bukidnon Provincial Office, Philippine National Police (PNP), Philippine Army, Local Government Unit (LGU) sa Impasugong, ug uban pang mga stakeholders nga nagtumong sa pagpalambo sa kausaban ug positibong kontribusyon sa komunidad. (melbmadera)