Gipasalamatan ni Bukidnon Provincial Governor Rogelio Neil P. Roque ang mga opisina nga nanguna sa pagpatuman sa mga programs, activities, ug projects nga gipondohan sa Local Disaster Risk Reduction and Management (LDRRM) Fund, atol sa CY 2025 4th Quarter Meeting, Disyembre 3, 2025, sa Kaamulan Open Theater, Kaamulan Park, Malaybalay City, Bukidnon

Ang maong mga opisina gilangkuban sa Provincial Engineer’s Office diin kinatibuk-ang ₱205,326,021.68 ang pondong naggikan sa LDRRMF gikan sa CY 2023 (16 projects), CY 2024 (14 projects), ug CY 2025 (3 projects); Provincial Agriculture’s Office ₱2,612,560.00 para sa chemicals, fertilizers, trainings for farmers agig tubag sa climate change; Provincial Health Office – provision sa 60 ampules cobra anti-venom nga gibahin-bahin sa mga provincial hospitals sa Bukidnon nga gitagan-an ug pondo kantidad ₱226,500.00; ug Provincial Veterinary Office – dul-an ₱600,000.00 para sa rabies vaccines, disinfectants, ug uban pa.

Sa maong higayon, giaprubahan usab sa konseho ang gipresenta nga PDRRM Plan, and Updated Contingency Plan on Flooding, ingon man ang Proposed Area alang sa Provincial Evacuation Center nga gikatakdang i-indorso tanan pangadto sa Sangguniang Panlalawigan for adoption and approval. (pr)