Nanumpa na sa katungdanan ang mga opisyales sa bag-ong natukod nga Valencia City Press Corps (VCPC) sa usa ka seremonyas nga gipahigayon niadtong Disyembre 3, 2025, sa CAP Building, Valencia City, Bukidnon

Ang administratibong misyon sa kalihokan gisakdag ni Jose M. Galario Jr. — kanhi mayor sa Valencia City, karon nagsilbi isip spokesperson sa iyang asawa, si Amie G. Galario, ang kasamtangang mayor.

Sa iyang mensahe, gipalabi niya ang pagtinabangay ug pagkahiusa sa media, bisan pa man nga nagkalain-lain ang personal nga prinsipyo sa matag usa. Giingon niya nga ang VCPC usa ka plataporma aron ipahimangno ang katungod sa media, katungod sa katawhan, ug katungod sa gobyerno.

Gipasalig niya nga muhatag sa tubag ug katin-awan sa unsa man nga mga isyu diin malambigit ang kagamhanang lokal aron ang demokrasya magpaibabaw.

Ang mga nanumpa atubangan sa mga miyembro sa press corps ug mga bisita mao sila VCPC President Ruben Geralla, Vice President Herbie Lumanog, Vice President for Radio Broadcasting Randie Makiputin, Vice President for Television Broadcasting Roderick Tubio, Vice President for Print Media Melchor Velez, Vice President for Digital Media Noe Cabiling Jr., Secretary Hope Grace Maldecir, Treasurer Rubbie Mark Micabalo, Auditor Emerson Mallao Jr., Social Coordinators Ching Castuera, Bernadeth Epan, Steven Sajonia ug Jomark Bejoc, ug mga miyembro sa Secretariat nga sila Aron Rempohito sa PIAD ug Ruby Leonora Balistoy sa PIA.

Human sa oathtaking ceremony, nisunod sab ang Christmas Party sa grupo.(melbmadera)