Natunol na kaniadtong Enero 23, 2025, ang mga proyekto nga napundohan sa provincial government sa Bukidnon alang sa katawhan sa Munisipyo sa Lantapan

Sumala sa kasayoran, nanguna sa programa sa pagtugyan si Gobernador Rogelio “Neil” P. Roque uban ni Bise-Gobernador Clive D. Quiño.

Ang mga proyekto nga natunol naglangkob sa usa ka one-story, two-classroom building sa Cawayan Elementary School, usa ka one-story, two-classroom building sa Capt. Juan Elementary School, multi-purpose building alang sa Youth Center sa Barangay Poblacion, ug line canal sa Alanib-Kaatuan Road nga nahimutang sa Brgy. Alanib.

Atol sa seremonyas, anaa ang presensya nila Lantapan Mayor Ernie R. Devibar, Lantapan Vice-Mayor Ricky James D. Balansag, ug Poblacion Punong Barangay Godofredo I. Balansag.

Diha usab ang mga personahe sa provincial engineering office nga naghatag og kasayuran kabahin sa pagsugod sa proyekto ug hangtod kini natapos. (melbmadera)