Thursday, October 01, 2026

Panid Bisaya

Nutrisyon: Pundasyon sa tanang programa sa panglawas
cmn

0

0
Central Mindanao Newswatch - local newspaper

Share this post?

Facebook
Twitter
LinkedIn

β€œπΌ π‘π‘œπ‘›π‘ π‘–π‘‘π‘’π‘Ÿ π‘›π‘’π‘‘π‘Ÿπ‘–π‘‘π‘–π‘œπ‘› π‘Žπ‘  π‘‘β„Žπ‘’ π‘π‘œπ‘Ÿπ‘›π‘’π‘Ÿπ‘ π‘‘π‘œπ‘›π‘’ π‘œπ‘“ π‘Žπ‘™π‘™ β„Žπ‘’π‘Žπ‘™π‘‘β„Ž π‘π‘Ÿπ‘œπ‘”π‘Ÿπ‘Žπ‘šπ‘ . π‘ƒπ‘Žπ‘” π‘›π‘Žπ‘€π‘Žπ‘™π‘Ž π‘Žπ‘›π‘” π‘π‘œπ‘Ÿπ‘›π‘’π‘Ÿπ‘ π‘‘π‘œπ‘›π‘’, π‘’π‘£π‘’π‘Ÿπ‘¦π‘‘β„Žπ‘–π‘›π‘” π‘π‘Ÿπ‘’π‘šπ‘π‘™π‘’. π‘†π‘œ, π‘‘β„Žπ‘Žπ‘‘β€™π‘  β„Žπ‘œπ‘€ π‘–π‘šπ‘π‘œπ‘Ÿπ‘‘π‘Žπ‘›π‘‘ π‘›π‘’π‘‘π‘Ÿπ‘–π‘‘π‘–π‘œπ‘› 𝑖𝑠 π‘ π‘Ž β„Žπ‘’π‘Žπ‘™π‘‘β„Ž π‘π‘Ÿπ‘œπ‘”π‘Ÿπ‘Žπ‘š. 𝐼𝑛 π‘’π‘£π‘’π‘Ÿπ‘¦ π‘Žπ‘ π‘π‘’π‘π‘‘ π‘œπ‘“ β„Žπ‘’π‘Žπ‘™π‘‘β„Ž, π‘›π‘’π‘‘π‘Ÿπ‘–π‘‘π‘–π‘œπ‘› 𝑖𝑠 π‘£π‘’π‘Ÿπ‘¦ π‘–π‘šπ‘π‘œπ‘Ÿπ‘‘π‘Žπ‘›π‘‘.”

Mensahe kini sa pakigpolong ni Dr. Jose Rhoel De Leon, Bukidnon Provincial Health Sector Overseer, ang nagrepresenta kang Governor Rogelio Neil P. Roque sa gilusad nga Barangay Nutrition Scholars (BNS) Forum and Recognition Day 2023, Nobyembre 21, 2023.

Nahigayon ang kalihokan sa Kaamulan Open Theater, Kaamulan Park, Malaybalay City, Bukidnon.

Gipasabot ni Dr. De Leon ngadto sa gikunsidera nga local heroes – ang BNS, nga ang nutrisyon mahinungdanon nga bahin sa kahimsog ug kalambuan. Ingon niya, nga kini may kalabotan sa pagpauswag sa kahimsog sa bag-ong himugso nga mga bata, ingon man sa mga inahan para sa mas lig-on nga immune system aron makalikay sa risgo sa non-communicable diseases, sama sa diabetes ug cardiovascular disease.

Mipadangat usab sa ilang mensahe-pagsuporta sa programa sa maayong panglawas sila Board Members Minerva Casinabe ug Ranulfo Jose Pepito, Jr.

Gipasalamatan ni Dr. Gary Guido C. Tabios, Jr, Provincial Health Officer si Gov. Roque sa nagapadayon nga mga programa sa Monitoring and Evaluation of Local Level Plan Implementation (MELLPI) Pro.

Butyag niya nga sa lima (5) ka probinsya sa Northern Mindanao, ang Bukidnon lamang ang nagpahigayon sa evaluation ngadto sa component LGUs niini.

Gipaambit sa dinapit nga mamomolong nga si Sherill Faith Espaňola, City Nutrition Program Coordinator sa Cagayan de Oro City ang ilang mga estratihiya o best practices sa pagpatuman sa nutrition program sa dakbayan.

Sa samang higayon, gipasidunggan sa Provincial Government of Bukidnon (PGB) ang mga aktibong lumilihok sa nutrisyon.

Sa 2022 Provincial Outstanding BNS: nag-una ang Barangay Kiara, Don Carlos; gisundan sa Sto. Niňo, Manolo Fortich; Poblacion, Impasugong; Laturan, Libona; ug San Jose, San Fernando.

Sa 2022 Provincial Outstanding Municipal Action Officer, 1. Ang MNAO sa Manolo Fortich, 2. Cabanglasan, 3. Sumilao, 4. Libona, 5. Don Carlos, 6. Maramag, 7. Pangantucan ug San Fernando, 8. Kitaotao, 9. Lantapan, ug 10. Impasugong.

Sa 2022 Provincial Outstanding Municipal Nutrition Committee, top 10 ang mosunod: Sumilao, Cabanglasan, Maramag, Pangantucan, San Fernando, Kitaotao, Impasugong, Lantapan, Talakag, ug Dangcagan.

Samtang Nutrition Honor Awardees ang mosunod nga LGUs: Manolo Fortich, Quezon, Don Carlos, Libona, ug Kadingilan.

Giila usab sa PGB ang kontribusyon sa mga BNS nga nagpahinungod sa ilang kinabuhi sa pagserbisyo sa katawhan sa barangay sulod sa taas nga panahon.

Ang MELLPI Pro mao ang monitoring and evaluation mechanism alang sa pagpatuman sa Philippine Plan of Action for Nutrition sa local level nga gihimo sa matag tuig sa interagency nutrition evaluation team sa national, regional, ug local levels. (PGO-PAIA Division)

Latest Article

4 lalaki nadakpan sa managlahing drug buy-bust sa Kitaotao, Kalilangan
2 ka M76 grenade rifle rounds nakit-an sa Lantapan
DILG Bukidnon mipagawas og β‚±600,000 nga ECLIP assistance sa 10 kakanhing rebelde
DTI-Bukidnon nag-orient sa mga negosyante sa online permit, accreditation
Malaybalay, Japan nagpalig-on sa panagtambayayong alang sa kinaiyahan,climate action
BNS sa NorMin naghiusa alang sa mas lig-on nga nutrition programs
Suicide kasagarang dili sakop sa ECC compensation – opisyal
ECC nagpahigayon og advocacy seminar sa Employee’s CompensationProgram
KBP Bukidnon nananum og mga kahoy alang sa kinaiyahan
Bukidnon LGUs bag 23 Gawad Kalasag awards

Related Post

4 lalaki nadakpan sa managlahing drug buy-bust sa Kitaotao, Kalilangan
MALAYBALAY CITY, Bukidnon β€” Upat ka mga lalaki ang nadakpan sa managlahing drugbuy-bust operations sa mga otoridad sa Kitaotao ug Kalilangan, Bukidnon, diin nakumpiska anggituohang shabu nga mokabat sa kapin β‚±500,000 ang gibana-banang kantidad. Sa Kitaotao, tulo ka mga lalaki ang nadakpan sa buy-bust operation sa Purok 4, Barangay Tawas,gabii niadtong Sept. 20, 2026.Sumala sa...
Read More
2 ka M76 grenade rifle rounds nakit-an sa Lantapan
LANTAPAN, Bukidnon β€” Duha ka Grenade Rifle Fragmentation M76 (HE) rounds ang nakit-an ug narekober sa daplin sa highway sa Sitio Kimanga, Barangay Kibangay, Lantapan,Bukidnon, alas-3:30 sa hapon niadtong Sept. 21, 2026. Sumala sa report, isa ka 30-anyos nga minyo nga mag-uuma ug residente sa Purok 5, BarangayBasac, Lantapan ang nakamatikod sa isa ka itom...
Read More
DILG Bukidnon mipagawas og β‚±600,000 nga ECLIP assistance sa 10 kakanhing rebelde
MALAYBALAY CITY, Bukidnon β€” Napulo ka kanhing rebelde ang nakadawat og kinatibuk-ang β‚±600,000 nga assistance ubos sa Enhanced Comprehensive Local Integration Program(ECLIP) nga gipadagan sa Department of the Interior and Local Government o DILG-Bukidnon. Sumala sa DILG Bukidnon, gipahigayon ang pagpagawas sa ika-upat ug ika-lima nga batch saassistance niadtong Sept. 15 ug 16, 2026, sa...
Read More