Panid Bisaya
Opisyal sa NPA nasikop sa Malaybalay
0
Share this post?
MALAYBALAY CITY, Bukidnon – Nasikop sa hiniusang pwersa sa kapolisan ang usa ka giingong opisyal sa New People’s Army (NPA) pasado alas 11:00 sa buntag niadtong Pebrero 18, 2026, sa Barangay 7 ning siyudad
Sumala sa report sa Bukidnon 1st Provincial Mobile Force Company, ang dinakpan giila nga si Ronald L. Landasan, alyas “Gamay” ug “Gaspar,” giingong vice commanding officer sa Guerilla Front 89 / (PBY) Pulang Bagani Yunit sa Sub-Regional Committee 2 ubos sa North Central Mindanao Regional Command sa NPA.
Si Landasan, 51 anyos, minyo, mag-uuma, ug residente sa Purok 15, Sityo Panamukan, Barangay San Jose, Malaybalay City, gisikop pinasubay sa warrant of arrest tungod sa kasong multiple attempted murder nga may Criminal Case No. 37004-21 nga pinetsahan og Pebrero 4, 2026.
Sa pagkakaron, anaa na siya sa kustodiya sa Bukidnon 1st PMFC alang sa hustong disposisyon. (melbmadera)
Latest Article
Related Post
MALAYBALAY CITY, Bukidnon — Upat ka mga lalaki ang nadakpan sa managlahing drugbuy-bust operations sa mga otoridad sa Kitaotao ug Kalilangan, Bukidnon, diin nakumpiska anggituohang shabu nga mokabat sa kapin ₱500,000 ang gibana-banang kantidad. Sa Kitaotao, tulo ka mga lalaki ang nadakpan sa buy-bust operation sa Purok 4, Barangay Tawas,gabii niadtong Sept. 20, 2026.Sumala sa...
LANTAPAN, Bukidnon — Duha ka Grenade Rifle Fragmentation M76 (HE) rounds ang nakit-an ug narekober sa daplin sa highway sa Sitio Kimanga, Barangay Kibangay, Lantapan,Bukidnon, alas-3:30 sa hapon niadtong Sept. 21, 2026. Sumala sa report, isa ka 30-anyos nga minyo nga mag-uuma ug residente sa Purok 5, BarangayBasac, Lantapan ang nakamatikod sa isa ka itom...
MALAYBALAY CITY, Bukidnon — Napulo ka kanhing rebelde ang nakadawat og kinatibuk-ang ₱600,000 nga assistance ubos sa Enhanced Comprehensive Local Integration Program(ECLIP) nga gipadagan sa Department of the Interior and Local Government o DILG-Bukidnon. Sumala sa DILG Bukidnon, gipahigayon ang pagpagawas sa ika-upat ug ika-lima nga batch saassistance niadtong Sept. 15 ug 16, 2026, sa...