Napalgan sa managlahi nga barangay sa munisipyo sa Kibawe, Bukidnon, buntag sa Nobyembre 24, 2025, ang patay’ng lawas sa babaye ug lalaki

Sa report ni Police Captain Leonila R. Vicente, OIC sa Kibawe Municipal Police Station (KMPS), nasayran nga usa ka mangingisdang si Mr. Joseph ang nakakaplag sa gakadugtang lawas sa babaye nga walay sapot.

Ang babaye napalgan daplin sa Pulangui River sa Purok 10, Sityo Kikipot sa Brgy. Talahiron.

Samtang ang higala ni Mr. Joseph nga mangingisda sab ang nakadiskubri sa patay’ng lawas sa lalaki sa Purok 10, Sityo San Miguel, Barangay Natulongan, mga lima kilometros ang kalayoon diin nadiskubri ang patay’ng lawas sa babaye.

Ang mga personnel sa Kibawe MPS naghimo og on-site inspection sa mga lugar diin nakaplagan ang mga lawas ug dayon gi-transport sila sa Rural Health Unit sa Kibawe, Bukidnon, alang sa post-mortem examination.

Nagkoordinar usab ang personnel sa Kibawe MPS sa mga silingang munisipyo alang sa posibleng pagkaila ug nangayo sa PFU-Bukidnon nga i-proseso ang nakuhang mga kadaver ug kolektahon ang mga specimen alang sa eksaminasyon. (melbmadera)