Sama sa nilabay nga tuig, mobalik na usab ang Night Café nga gidumala sa Provincial Government of Bukidnon (PGB) isip kabahin sa pagpangandam ug pagsaulog sa umaabot nga Kapaskohan

Sumala sa pamahayag sa PGB sa ilang opisyal nga Facebook page, opisyal nga ablihan ang kalihokan karong Oktubre 3, 2025, ug molungtad hangtod sa Disyembre 28, 2025.

Dili lamang kini isa ka kasinatian sa makalingaw ug vibrant nga kahimtang, apan makita usab dinhi ang matahom nga display sa mga lamian ug lain-laing klase sa pagkaon nga ipahimutang likod sa Centennial Stage sa Capitol Grounds, Kaamulan Park, Malaybalay City, Bukidnon.

Sa niaging higayon, gidugok sa katawhan ang maong kalihokan tungod kay panaglagsa lang kini gakahitabo ug isa ra ka espesyal nga kahigayonan nga ginahimo sa Capitol Grounds.

Ang pagbukas pag-usab sa Night Café dili lamang nagpasabot og merkado alang sa pagkaon ug produkto, apan nagahatag usab kini og lugar sa panagtigom, pagsaulog sa kultura, ug pagpahimutang sa masadya nga espiritu sa Pasko nga ginahulat-hulat sa taga-Bukidnon lakip mga dumuduong. (melbmadera)