Panid Bisaya
Sakyanan mibangga sa Narra tree sa Sumilao; 1 patay, 2 angol
0
Share this post?
Patay ang drayber samtang angol ang iyang duha ka kauban human mibangga sa punoan sa narra nga kahoy ang usa ka puti nga Fuso self-loader truck sa Sayre Highway sa Lower Purok 1, Brgy. Kisolon, Sumilao, Bukidnon hapon sa Pebrero 13, 2026
Sa imbestigasyon sa Sumilao Municipal Police Station, nasayran nga gikan sa Malaybalay City ang sakyanan padulong sa Cagayan de Oro City. Samtang nag-overtake sa laing sakyanan pinaagi sa gawas nga lane, natagak ang tuo nga ligid sa atubangan sa abaga sa dalan (road shoulder), hinungdan nga nawad-an og kontrol ang drayber ug nakabangga sa usa ka hingkod nga narra nga kahoy.
Tungod niini, nakaangkon og grabeng samad ang drayber ug gihatod sa Sumilao Municipal Health Office apan gideklarar nga dead on arrival sa wala pa kini mahiabot.
Samtang, ang naangol niyang mga kauban nga babaye ug lalaki gidala usab sa Bukidnon Provincial Medical Center sa Malaybalay City alang sa pagpatambal. (melbmadera)
Latest Article
Related Post
Aron masiguro ang kahanduman sa mga negosyo nga gidumala sa Indigenous Peoples (IPs), gipahigayon sa Department of Agriculture – Mindanao Inclusive Agriculture Development Project (DA-MIADP) RPCO 10 ang usa ka technical coordination workshop niadtong Abril 22–23, 2026, sa Malaybalay City, Bukidnon . Tumong niini ang pagplastar sa mga business plan sa Tumindok Association Inc. (TAI)...
Isa ka minor de edad nga babaye ang gikatahong nalumos sa Muleta River sa Maray-Maray, Don Carlos, Bukidnon, buntag sa Abril 26, 2026 Sumala sa report sa Don Carlos Municipal Police Station, ang biktima residente sa Purok 8,Barangay New Nongnongan sa maong munisipyo. Sumala sa report sa Don Carlos Municipal Police Station, ang biktima residente...
Isa ka hingkod nga lalaki ang napalgang patay human gidudahang napaakan og venomous nga bitin samtang nangisda sa Sityo New Imbatog, Impasug-ong, Bukidnon, hapon sa Abril 28, 2026 Sa paghiabot sa niresponding kapolisan human sa tawag sa kapitan sa Barangay Kalabugao, angpatay’ng lawas nakaplastar na sa higdaanan sa panimalay sa biktima.Matod sa natala sa Impasug-ong...