Wednesday, May 31, 2023

Panid Bisaya

Sinangguyan NHS sa Don Carlos gikawatan

0

Central Mindanao Newswatch - local newspaper

Share this post?

Gikatahong gikawatan ang Sinangguyan National High School sa Munisipyo sa Don Carlos ug nadiskubri ang hitabo niadtong Pebrero 3.

Sumala sa taho sa kapolisan sa Don Carlos, ang nawala gikan sa tunghaan mao ang tulo ka telebisyon, tulo ka extension wires, duha ka speaker wires ug uban pa. Ang mga butang gikan sa upat ka lawak tunghaan sa Sinangguyan NHS.

Sa kinatibuk-an, ang kapolisan mitaho nga unom ka lawak tunghaan ang gisulod sa mga kawatan. Kini pinaagi sa pagguba sa mga kandado gamit ang metal rod.
Sa kasamtangan, nagpadayon pa ang imbestigasyon sa kapolisan sa Don Carlos aron pag-ila sa mga kawatan.

By: Diego M. Hidalgo

Related Post

Nasikop sa hiniusang pwersa sa kapolisan ang Bukidnon Top 1 ug Top 5 most wanted person sa managlahing lugar ug higayon Ang mga suspek giila nga si William Lamadrid y Tagolao ug Rachel Pizarro y Casas. Kini base sa report nga nahipos sa Bukidnon Police Provincial Office. Si Lamadrid, 48, minyo, driver, ug residente sa...
Nikabat sa Php60,000.00 nga kantidad sa gidudahang droga ang nasakmit sa hiniusang pwersa sa kapolisan sa Purok 2, Barangay 9, Malaybalay City, Bukidnon Base sa report nga nahipos sa Bukidnon Police Provincial Office (PPO), ang suspek giila nga si Jabar Pazaulan y Umpar, PNP/PDEA Regional Level High Value Individual (HVI) Top Priority List no. 10),...
Nagmalamposon nga napahigayon ang Capacity Building ug Institutional Development alang sa mga miyembro sa Information and Communications Technology (ICT) Council sa Lokal nga Pangagamhanan sa Dakbayan sa Valencia Nagmalapuson kining napahigayon niadtong Mayo 15-16, 2023, base sa pahibalo sa City Government of Valencia. Ang aktibidad gipangunahan sa Information Technology Service Division (ITSD) sa pakigtambayayong sa...