Duha ka Top MWP (most wanted person) sa Bukidnon ang nakorner sa mga kapolisan sa managlahing higayon
Base sa taho nga nahipos sa Bukidnon Police Provincial Office, ang duha ka suspek mao ang Top 1 ug Top 6 MWPs.
Ang Top 1 giila nga si Kevin Maluto Y Arsolon, 38, adunay kapuyo, carpenter, ug kaniadtong nagpuyo sa Purok-2B, San Miguel, Maramag, Bukidnon.
Siya gisikop niadtong Hulyo 22, 2023 sa Coastal Road, Times Beach, Ecoland, Davao City.
Gisilop siya subay sa warrant of arrest sa duha ka ihap sa kasong rape.
Samtang ang Top 6 mao si Ronnie Recibido y Alinco alias Bedon, 50, minyo, carpenter, ug residente sa Purok-4, Upper Sugod, Valencia City, Bukidnon.
Gisikop siya kaniadtong Hulyo 21, 2023 sa Gawad Kalinga, Bagontaas, Valencia City, Bukidnon.
Siya gisikop subay sa warrant of arrest sa kasong paglapas sa Sec. 5, Article II of RA 9165, Sec. 5, Article II of RA 9165, ug Sec. 12, Article II of RA 9165.
Si Maluto gidala ubos sa kustodiya sa Maramag MPS samang si Recebido gidala ngadto sa Valencia CPS alang sa hustong disposasyon. (MG Mayumi B. Madera)
